جۇما, 29 ناۋرىز 2024
2737 3 پىكىر 26 قاراشا, 2018 ساعات 10:37

ەۋرووداق ورتالىق ازيامەن ىنتىماقتاستىقتى كەڭەيتۋگە مۇددەلى

ەۋروپالىق وداق ورتالىق ازيامەن ىنتىماقتاستىقتى كەڭەيتۋگە مۇددەلى. وسىلاي دەپ ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى فەدەريكا موگەريني حابارلادى.

«ءبىزدىڭ كەزدەسۋ وتە ماڭىزدى ءارى وتە قارقىندى بولدى. وتكەن اپتادا ەۋرووداقتىڭ سىرتقى ىستەر مينيسترلەرى ورتالىق ازيامەن قارىم-قاتىناستا جاڭا ءپوزيتيۆتى ديناميكانى اتاپ ءوتىپ، جاڭا مۇمكىندىكتەر اشىلىپ جاتقانىن ايتتى. ءبىز وزبەكستانمەن ارىپتەستىكتى جانە ىنتىماقتاستىقتى كەڭەيتۋ جونىندە ۇسىنىس بىلدىردىك. ءدال وسىندا كەلىسسوز قىرعىزستان، قازاقستانمەن ءجۇرىپ جاتىر. تاجىكستان مۇنداي كەلىسسوزگە دايىن ەكەنىن جەتكىزدى»، – دەدى موگەريني.

ول سونىمەن بىرگە ورتالىق ازيانىڭ بەس مەملەكەتىندە ەۋروپالىق وداقتىڭ ارنايى وكىلدىگىن اشۋ جونىندە كەلىسىمگە كەلگەنىن ايتتى. ونىڭ ىشىندە تۇركىمەنستاندا دا ارنايى وكىلدىك اشۋ قولعا الىنىپ جاتىر ەكەن.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553