بۇل اقپاراتتى اكالتىن اۋدانىندا ماقتا تەرىپ جۇرگەن ساربازداردىڭ ءبىرى حابارلاعان. ونى سىرداريا وبلىستىق اكىمشىلىگىنىڭ ءبىر قىزمەتكەرى راستادى. شەنەۋنىكتىڭ ايتۋىنشا، قازىرگى تاڭدا ون مىڭعا جۋىق سارباز ماقتا تەرىپ ءجۇر.

ولاردىڭ اراسىندا ءبىر جىلدىق جانە ءبىر ايلىق كەلىسىم-شارتپەن اسكەرگە الىنعان ساربازدار، سونىمەن بىرگە اسكەري قىزمەتكە بەس جىلدىق مەرزىمگە الىنعان قىزمەتكەرلەر بار.

بۇحاراداعى اسكەري بولىمدەردىڭ بىرىندە قىزمەتىن وتەپ جۇرگەن ساربازداردىڭ ءبىرى 20 قىركۇيەكتەن بەرى ماقتا تەرىپ جۇرگەنىن حابارلاعان. "بىزگە ماقتا القابىندا 5 جەلتوقسانعا دەيىن بولاتىنىمىزدى ايتتى. كۇن سۋىتىپ كەلەدى، القاپتا ماقتا قالمادى. كۇنى بويى ءاربىر سارباز بار بولعانى 2-3 كەلى ساپاسىز ماقتا جينايدى. ءبىز ۋاقىتتى بوسقا وتكىزىپ ءجۇرمىز. ونىڭ ورنىنا اسكەري دايىندىقتان وتكەنىمىز جاقسى ەدى", – دەدى سارباز.

وزبەكستان قورعانىس مينيسترلىگىنىڭ مالىمەتى بويىنشا، ەلدە جىل سايىن 30-35 مىڭ ادام اسكەري قىزمەتكە الىنادى. قازىرگى تاڭدا وزبەكستان قارۋلى كۇشتەرىندە 48 مىڭ ادام بار.

Abai.kz