22.09.1962 جىل

قىمباتتى مم، رر!

اڭگىمەنى جەر بەتىندەگى تۇڭعىش ەركەك ادام سياقتى ايەلگە ءسوز ايتۋدان باستايىن. ادرەسىڭ قايدا؟ مەنىڭ داۋىسىم ساعان جەتە مە؟ مەن ساعان ادرەسىڭدى تولىق جاز دەپ ەدىم عوي. ساعان قالاي حات جازا­مىن؟

ارينە، ساعان ءبارىبىر، ويتكەنى، سەنى ويلايتىن، ءبىر ءسات تە ەستەن شىعارمايتىن ادام بار، ول سەن ءۇشىن ماڭگىلىك! قازىر ول سەنەن قاشىقتا بولسا دا سەن تۋرالى ويلاپ، سەنى ساعىنىپ، مازاسى كەتۋدە. سەنى ىزدەپ تاپپاي، جانى جاي تابار ەمەس. سەن جۇرگەن قالاداعى بارلىق قوناق ۇيلەرگە تەلەفون سوعىپ ىزدەسە دە تاپپادى. قايدا ءجۇرسىڭ، مەنىڭ قارا قىزىم!

كەتكەلى ءبىر اپتا بولدى، حابارىڭ جوق، جەدەلحاتپەن ۇيگە ادرەسىڭدى حابارلا، وتىنەمىن. اەروفوتو ما، تەلە-كوسموسپەن بە، تەز حابار بەر! بۇل ۇيدە قالعان سەنىڭ ەڭ قىمبات ادامىڭ ءۇشىن وتە قاجەت.

سەنىڭ جانىڭ قانداي تازا، مم! ءتىپتى، كەيدە سابيدەي تومپيىپ، وكپەلەپ قالعاندا دا وتە سۇيكىمدىسىڭ. كىنالى بولماساڭ دا كىنالى جانداي مويىنداي سالاتىن ادەتىڭ شە؟! مۇنداي قىلىق كوپ ادامدا كەزدەسە بەر­مەي­دى. ايتەۋىر مەنى كىنالاۋدان قاشان دا اۋلاق تۇرۋشى ەدىڭ. جالعىز ادام ويشىل بولادى ەكەن. تەزىرەك ورالشى، مم.

ساعان ءۇش نارسە تىلەيمىن: بىرىنشىدەن — اۋىرما، ەكىنشىدەن — جۇمىسىڭنىڭ ءساتتى اياقتالۋىن، ۇشىنشىدەن — ءوزىڭنىڭ سۇيىكتىڭنىڭ قۇشاعىنا ورالۋدى.
ماڭگىلىك ءسۇيۋشى م.م.ع.

ء"ماڭ­گىلىك" دەگەن ءسوزدى وسى ۋاقىتقا دەيىن ەشكىم­گە ايتقان جوق ەدىم…

اسەت اقمولدانىڭ facebook پاراقشاسىنان

Abai.kz