جەكسەنبى, 9 مامىر 2021
1714 0 پىكىر 28 قاراشا, 2018 ساعات 11:57

تۇركىستان وبلىسىندا «بيزنەستىڭ جول كارتاسى 2020» باعدارلاماسى اياسىندا 1500 جوباعا قارجىلاي قولداۋ كورسەتىلگەن

ەلباسىنىڭ قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋاتتى قازاقستان حالقىنا ارناعان جولداۋىندا جەكە كاسىپكەرلىكپەن اينالىسۋعا ۇلكەن مۇمكىندىكتەر جاساپ وتىرعانىن ايتقان بولاتىن.

ماسەلەن، تۇركىستان وبلىسىندا «بيزنەستىڭ جول كارتاسى 2020» باعدارلاماسى اياسىندا 1500 جوباعا 43 ملرد تەڭگە كولەمىندە قارجىلاي قولداۋ كورسەتىلگەن. ناتيجەسىندە 6 مىڭنان استام جاڭا جۇمىس ورىندارى قۇرىلىپ، بيۋدجەتكە 63 ملرد تەڭگەنىڭ سالىعى تۇسكەن. بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن بريفينگتە كاسىپكەرلىك جانە يندۋستريالدى يننوۆاتسيالىق دامۋ باسقارماسىنىڭ باسشىسى عانيبەت اۋباكىروۆ ءمالىم ەتتى،-دەپ حابارلايدى Abai اقپارات.

عانيبەت اۋباكىروۆتىڭ سوزىنشە، اتالعان باعدارلاما اياسىندا 4,4 ملرد تەڭگەگە 400 جوباعا قولداۋ كورسەتىلگەن. سونداي-اق، اعىمداعى جىلدىڭ  قازان ايىنا دەيىن 140 992 شاعىن جانە ورتا كاسىپكەرلىك سۋبەكتىسى تىركەلىپ، ونىڭ 129 مىڭنان استامى مەملەكەتكە سالىق تولەپ كەلگەن.

«اتاپ ايتقاندا، كاسىپكەرلەردىڭ بانكتەردەگى كرەديتتەرى بويىنشا پايىزدىق ستاۆكانى سۋبسيديالاۋعا 4,2 ملرد تەڭگە ءبولىنىپ، 350 جوبا سۋبسيديالانعان. كاسىپكەرلەردىڭ بانكتەردەگى كرەديتتەرى بويىنشا ءىشىنارا 102 ملن تەڭگە ءبولىنىپ، 30 جوبا كەپىلدەندىرىلگەن. شاعىن كاسىپكەرلىك سۋبەكتىلەرىنە مەملەكەتتىك گرانتتار ۇسىنۋعا 60 ملن تەڭگە قاراستىرىلىپ،  20 جوباعا مەملەكەتتىك گرانتتار ۇسىنىلعان»، - دەدى عانيبەت اۋباكىروۆ.

وڭىردە جىل باسىنان بەرگى 9 اي ىشىندە  نەگىزگى كاپيتالعا تارتىلعان ينۆەستيتسيا كولەمى  163,5 ملرد تەڭگەنى قۇرادى. بۇل تۇرعىدا  سوزاق اۋدانى (26,1 ملرد تەڭگە), تۇركىستان قالاسى (16,6 ملرد تەڭگە) جانە شاردارا اۋدانى (15 ملرد تەڭگە) كوش باستاپ كەلەدى. ينۆەستيتسيا كوزى بولىپ تابىلاتىن جەكە ينۆەستيتسيالار كولەمى 94 ملرد تەڭگەگە جەتكەن.

وبلىس اۋماعىندا  ينۆەستيتسيالاردى تارتۋ باعىتىندا قولايلى كليمات قۇرۋ، سونداي-اق ايماقتىڭ الەۋەتىن ارتتىرۋ ماقساتىندا ەلباسىنىڭ 2018 جىلعى 29 قىركۇيەكتەگى جارلىعىنا سايكەس كوپسالالى «TURKISTAN» ارنايى ەكونوميكالىق ايماعى قۇرىلدى.

Abai.kz

0 پىكىر