بەيسەنبى, 28 ناۋرىز 2024
2653 0 پىكىر 26 قاراشا, 2018 ساعات 15:11

تۇركىستان وبلىسىندا ونلاين-الاڭ ارقىلى جۇمىسقا ورنالاسۋعا بولادى

بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1,5 ەسەگە ارتتىرۋدى تاپسىرعان بولاتىن. جولداۋدا قازاقستان حالقىن جۇمىسپەن قامتۋ جايى دا ايتىلعان ەدى.

تۇركىستان وبلىسىندا مەكتەپكە ينتەرنەت ارقىلى ورنالاسۋعا بولادى. ەندى مۇعالىمدەر جۇمىسقا كىرۋ ءۇشىن تانىس-تامىر ىزدەمەيدى. وبلىستىڭ بارلىق مەكتەپتەرىندە jumys.sitcen.kz پورتالى ىسكە قوسىلىپ، بوس جۇمىس ورىندارى وسى جۇيەگە ورنالاستىرىلعان.

تۇركىستاندىق جالعاس باتىرحان «سەرپىن» باعدارلاماسىمەن ورال قالاسىندا ءبىلىم العان. باعدارلامانىڭ شارتى بويىنشا ول سول جاقتا ەڭبەك ەتۋى ءتيىس ەدى. بىراق زەرەك جاس jumys.sitcen.kz پورتالىنا كىرىپ، تۋعان جەرىنەن جۇمىس ىزدەپتى. ماتەماتيكا ءپانىنىڭ مۇعالىمىنە سۇرانىس كوپ بولعاندىقتان، وسى باعدارلامانىڭ ارقاسىندا ءوز اۋىلىنداعى مەكتەپكە ورنالاسقان. جاس مامان جاڭا جۇيەگە ءدان ريزا.

جالعاس باتىرحان، جاس مامان: «جالپى «تسيفرلى قازاقستان» باعدارلاماسى بويىنشا اقپاراتتىڭ اشىقتىعى مەن جاريالىلىعى نەگىزىندە قۇرىلعان بۇل جوبا ۇتقىر جوبا دەپ ەسەپتەيمىن. جەمقورلىقتىڭ الدىن الادى. سونىمەن قاتار جاستاردىڭ بوس جۇمىس ورنىن وڭاي تابۋىنا ۇلكەن مۇمكىندىك بەرەدى. ساپالى كادرلاردى بىردەن تابۋعا ىقپال ەتەدى دەگەن سەنىمدەمىن».

سونىمەن قاتار مەكتەپكە دەيىنگى ءبىلىم بەرۋ ۇيىمدارىنا جولداما الۋ مەن وقۋشىلاردى مەكتەپكە قابىلداۋ دا mektep.sitcen.kz پورتالى ارقىلى ونلاين رەجيمدە جۇزەگە اسىرىلادى. ماسەلەن، بيىل ايماقتا ەلەكتروندىق جۇيە ارقىلى 54 751 وقۋشى 1-سىنىپقا قابىلدانىپتى.

ءناسيبا يبادۋللاەۆا، تۇركىستان قالاسىنىڭ تۇرعىنى: «بالامدى جاقىن ماڭداعى مەكتەپكە بەرۋ ءۇشىن مەن ەڭ الدىمەن وزىمە جاقىن مەكتەپكە باردىم. ول جەردەن mektep.sitcen.kz سايتى ارقىلى تىركەلۋ كەرەك ەكەنىن ءبىلدىم. ولار ماعان قالاي كىرۋ جولدارىن ءتۇسىندىردى. كەرەكتى مالىمەتتەردى تولتىرۋ ارقىلى جانە وسى سايت ارقىلى بالامدى تىركەدىم».

بيىل وبلىستاعى 481 مەكتەپكە دەيىنگى ءبىلىم بەرۋ ۇيىمىنا جولداما بەرۋ جانە كەزەككە قويۋ وسى جۇيە ارقىلى جۇزەگە اسقان. بۇل ايماقتاعى بالاباقشالاردىڭ 35 پايىزىن قامتيدى. جىل سوڭىنا دەيىن بۇل كورسەتكىشتى 100 پايىزعا جەتكىزۋ جوسپارلانىپ وتىر. Cونداي-اق وڭىردەگى 902 مەكتەپتىڭ بارلىعى jumys.sitcen.kz پورتالىنا قوسىلعان. قاتارداعى قىزمەتكەردەن باستاپ، مۇعالىمدەردى جۇمىسقا قابىلداۋ ونلاين رەجيمدە ىسكە اسىرىلادى. بۇگىندە ايماقتا 1239 ادام وسى جۇيە ارقىلى جۇمىسقا ورنالاسقان.

ءاشىر ەلتاەۆ، قوسىمشا ءبىلىمدى دامىتۋ ورتالىعى ديرەكتورىنىڭ ورىنباسارى: «مۇنىڭ تيىمدىلىگى كەز كەلگەن ءبىلىم ۇيىمدارىنا بارىپ، جۇمىس ىزدەۋدىڭ قاجەتتىلىگى جوق. پورتالعا كىرسە بولدى، تۇركىستان وبلىسىنىڭ كەز كەلگەن اۋدانىنداعى بوس ورىنداردىڭ بار ەكەنى كورىنىپ تۇر. سول پورتال ارقىلى ءوزىنىڭ تۇيىندەمەسىن جولداي الادى».

ايتا كەتەيىك، تۇركىستان وبلىسى رەسپۋبليكادا العاش بولىپ، تسيفرلىق جۇيەنى ءبىلىم سالاسىنا ەنگىزدى. بۇل جۇيە ءبىلىم سالاسىنداعى اشىقتىق پەن قولجەتىمدىلىككە جول اشىپ، ءوزىنىڭ تيىمدىلىگىن كورسەتتى. بولاشاقتا ەلىمىزدىڭ بارلىق ايماعىنا جاڭا جۇيەنى ەنگىزۋ جوسپارلانىپ وتىر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505