وبلىس ورتالىعى مارتەبەسىنە يە بولعان تۇركىستان شاھارىنا ساياحات ءۇشىن كەلەتىن تۋريستەر سانى ارتتى. تاريحي ورىندى قىزىقتاۋ جانە زيارات ەتۋگە كەلگەندەر سانى بىلتىر 1 ميلليون بولسا، بيىلعى 8 ايدىڭ وزىندە ولاردىڭ قاتارى 900 مىڭعا جەتىپ وتىر. بۇل ەڭ اۋەلى ايماقتا ساياحاتشىلارعا قىزمەت كورسەتۋ ساپاسىنىڭ ارتقانى، سونان سوڭ قاتىناس جولىنىڭ جاقسارعانىن دالەلدەيدى.

دجون لايمان باسپا سالاسىندا جۇمىس ىستەيدى. ەجەلگى وتىرار شاھارى، ياساۋي كەسەنەسى جونىندە بۇعان دەيىن تەك اقپارات قۇرالدارىنان ەستىپ، ءبىلىپ جۇرگەن. دەمالىسىن پايدالانىپ، ارنايى ساياحاتتاپ كەلىپتى. ساپاردان العان اسەرى كەرەمەت.

–  ويتكەنى، ەرتە ورتا عاسىردا سالىنعان قۇرىلىستى ءوز كوزىممەن كورىپ، ونىڭ ساقتلاۋى تاڭقالدىرۋدا. قازاقستان تۋرالى اقاپارات قۇرالدارىنان حابارىمىز بار. ەندى ونىڭ تاريحىنا  كوز جەتكىزۋ، ونىڭ اسەرى ەرەكشە، – دەيدى بريتاندىق ساياحاتشى دجون لايمان.

تەك بيىلدىڭ وزىندە تۇركىستانعا دجون سەكىلدى 32 مىڭنان استام شەتەلدىك ساياحاتتاۋ ءۇشىن كەلگەن. مامانداردىڭ ايتۋىنشا، ولاردى كوبىنە ۇلى جىبەك جولى بويىنداعى ساۋران، سيداق، قاراسپان، كۇلتوبە، وتىرار قالاشىعى سەكىلدى تاريحي ورىندار قىزىقتىرادى. ۇلتتىق مادەنيەتىمىز بەن داستۇرىمىزگە قانىققىسى كەلەتىن تۋريستەر دە كوپ.

– كوپتەگەن  تۋريستەر نەگىزىنەن  اقش، فرانتسيا، بەلگيا جانە اقش، فرانتسيا، بەلگياەلدەرىنەن كەلەدى. ولار ەسكى قالاشىقتار – ساۋران، وتىرارجى جانە  ارىستانباب كەسەنەسىنە قاتتى قىزىعۋشىلىق تانىتادى، – تۋريستىك اقپاراتتىق ورتالىعىنىڭ مەنەدجەرى اقمارال كەڭەسباي.

سوڭعى ۋاقىتتارى تۇركىستاندا ساياحاتشىلار سانىنىڭ ارتۋى قالاداعى شاعىن جانە ورتا كاسىپكەرلىكتىڭ جاندانۋىنا تۇرتكى بولعان. بۇگىندە وبلىس ورتالىعىندا 11 مىڭنان استام  كاسىپكەرلىك نىسانى ساياحاتشىلارعا قىزمەت كورسەتەدى. وڭىرلىك ءونىمنىڭ 58 پايىزى تۋريزم مەن قىزمەت كورسەتۋ سالاسىنىڭ ۇلەسىندە. بىلتىر قالا قازىناسىنا تۋريزمنەن 3 ميلليارد 700 ميلليون تەڭگە پايدا تۇسكەن.

– 2017 جىلى  تۋريستىك سالادا قىزمەت كورسەتەتىن ەكى كاسىپكەرلىك نىسانىندا 50 جۇمىس ورنى اشىلعان بولسا، بيىل تاعى ەكى نىساندى ىسكە قوسۋدى جوسپارلاپ وتىرمىز. وندا 240 جۇمىس ورنى اشىلادى، دەپ تۇركىستان قالالىق كاسىپكەرلىك جانە تۋريزم ءبولىمىنىڭ باسشىسى گۇلجامال داحانوۆا ويىن ورتاعا سالدى.

بۇگىندە شاھاردىڭ تۋريستىك الەۋەتىن جاقسارتۋ ماقساتىندا ياساۋي كەسەنەسى جانىنان قولونەرشىلەر ورتالىعى اشىلعان. مۇندا ىسمەرى مەن زەرگەرى بار، اعاش جانە تەمىر ۇستاسى سەكىلدى 20-دان استام شەبەر جۇمىس ىستەيدى. تۇركىستانعا ساپارلاپ كەلگەن ءاربىر جان شەبەرلەردىڭ بۇل ەڭبەگىن كورىپ، قىزىقتاي الادى. كوڭىلگە جاقسا ساتىپ الادى. سونداي-اق، جاڭادان سالىنعان زياراتشىلار ورتالىعىندا 200 ادامنىڭ اس ءىشىپ، تىنىعىپ تۇنەپ شىعۋىنا بارلىق جاعداي جاسالىپ وتىر.

Abai.kz