«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

سارىاعاش قالاسىندا «تسيفرلى قازاقستان» مەملەكەتتىك باعدارلاماسى اياسىندا كەزدەسۋ ءوتتى. جيىن بارىسىندا «تۇركىستان» اكك» اق-نىڭ «تسيفرلاندىرۋ ورتالىعى» فيليالى مەن سارىاعاش اۋدانى اكىمدىگى اراسىندا ىنتىماقتاستىق جونىندە مەموراندۋم ءتۇزىلدى.

تۇركىستان وبلىسى اكىمىنىڭ ءباسپاسوز قىزمەتىنىڭ حابارلاۋىنشا، «تۇركىستان وبلىسىنداعى تسيفرلاندىرۋ ورتالىعىنىڭ» ديرەكتورى اسىلبەك جانگۋلوۆتىڭ ايتۋىنشا، مۇنداي قۇجاتتار تىڭ جوبالاردى جۇزەگە اسىرۋدا جاڭا مۇمكىندىكتەر بەرەدى.

«وبلىستا ساندىق فورماتقا كوشۋ بويىنشا قارقىندى جۇمىستار جۇرگىزىلىپ جاتىر. ماسەلەن، قازىرگى كۇنى دەنساۋلىق ساقتاۋ، ءبىلىم بەرۋ، قاۋىپسىزدىك، ترانسپورت جانە تۇرعىن ءۇي-كوممۋنالدى شارۋاشىلىعى سياقتى بەس سالادا 27 جوبا جۇزەگە اسىرىلىپ جاتىر. ءبىزدىڭ فيليالدىڭ ءبىر اي بۇرىن اشىلعانىنا بايلانىستى، ازىرگە، اتالعان قۇجاتتاردى تۇزۋگە كەلىسىم بەرگەن العاشقى اۋدان سارىاعاش بولىپ وتىر. الداعى ۋاقىتتا مۇنداي كەلىسىمدەر تۇركىستانداعى بارلىق اۋدان، قالالاردىڭ اكىمدىگىمەن جاسالىپ، جۇمىستاردى بىرلەسە اتقارامىز دەپ ويلايمىن»، — دەدى اسىلبەك جانگۋلوۆ.

ءوز كەزەگىندە، سارىاعاش قالاسىنىڭ اكىمى ساۋلە سۇلەيمەنوۆا «تۇركىستان» اكك» «تسيفرلاندىرۋ ورتالىعىنىڭ» وكىلدەرىنە العىسىن ءبىلدىردى.

Abai.kz