ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىندا اۋىلشارۋاشىلىعى سالاسىنا ەرەكشە ءمان بەرگەنى بەلگىلى. وسىعان وراي، جۋىردا تۇركىستان وبلىسى، وتىرار اۋدانىندا اۋىلشارۋاشىلىعى سالاسىندا اتقارىلعان جۇمىستارعا ساراپتاما جاسالعان  بولاتىن.

سونىمەن قاتار، اۋدان بيۋدجەتىنىڭ اتقارىلۋى جانە 9 ايدا كۇتىلەتىن بولجام تۋرالى جيىن ءوتىپ، وعان وتىرار اۋدانى اكىمىنىڭ ورىنباسارلارى مەن ءبولىم باسشىلارى، اۋىل اكىمدەرى مەن باق وكىلدەرى قاتىسقان ەدى.

اۋدان بيۋدجەتىنىڭ جەرگىلىكتى كىرىستەر كوزىنىڭ جوسپارى ەسەپتى كەزەڭدە 735749,0 مىڭ تەڭگە بولسا، اتالعان جۇمىستاردىڭ ورىندالۋ بارىسى 970574,7 مىڭ تەڭگەنى قۇراپ، 131,9 %-عا ارتىعىمەن ورىندالعان. وتىرار اۋدانى اعىمداعى جىلدىڭ 8 ايىنداعى بيۋدجەتتىڭ يگەرىلۋى بويىنشا وبلىستا 99,7 % - بەن ءۇشىنشى ورىندا تۇر. سونداي-اق اۋدانداعى اۋىل شارۋاشىلىعى سالاسىندا دا بىرقاتار اتاپ وتەرلىك جەتىستىكتەر بارشىلىق. وتىرا اۋدانىنان قاراستى اۋىل وكرۋگتەر بويىنشا جالپى ەگىس كولەمىنىڭ جوسپارى 28980 گا بولسا، بيىلعى كورسەتكىش 30621 گا جەردى قۇراپ، جوسپار 105,7 پايىزعا ارتىعىمەن ورىندالىپ وتىر. اتاپ ايتساق جۇگەرى 10 000 گا، جوڭىشقا 10133 گا، كوكونىس 816 گا، كارتوپ 224 گا، كۇنباعىس 229 گا، باقشا 7731 گا، تارى 722 گا ەگىلىپ، بارلىق داقىلدار بويىنشا وتكەن جىلمەن سالىستىرعاندا ءونىم كورسەتكىشى ارتقان.

سونىمەن قاتار اۋداندا تۇيە، جىلقى، ءىرى قارا مال باسى دا وسكەن. بۇل مەملەكەت باسشىسى نۇرسۇلتان نازارباەۆتىڭ باستاماسىمەن بەكىتىلگەن مەملەكەتتىك باعدارلامالاردىڭ جەمىسى دەپ بىلەمىز. ماسەلەن، وتكەن جىلمەن سالىستىرعاندا مال باسىن اسىلداندىرۋ باعىتىنداعى «سىباعا» باعدارلاماسى 101,5 پايىزعا، ال، «التىن اسىق» 101 پايىزعا ارتىعىمەن ورىندالعان. جيىن بارىسىندا اۋدان اكىمى ەرلان ايتاحانوۆ كۇن تارتىبىندەگى ماسەلەلەر بويىنشا ءتيىستى سالا باسشىلارىنا ناقتى تاپسىرمالار بەرىپ، اۋداننىڭ بيۋدجەت قارجىمىنىڭ ۋاقىتىلى يگەرىلۋىن جۇكتەدى. سونداي-اق اۋدان اكىمى جيىن بارىسىندا اۋداندىق «وتىرار اعىن سۋ» مقك-نىڭ ديرەكتورى قىزمەتىندە 36 جىل جەمىستى قىزمەتتەر اتقارعان ءا.جايمىرزانى 63 زەينەتكەرلىك جاسىمەن قۇتتىقتاپ، يىعىنا زەرلى شاپان جاۋىپ، قۇرمەت كورسەتتى.

Abai.kz