جۇما, 29 ناۋرىز 2024
5483 0 پىكىر 26 قاراشا, 2018 ساعات 14:35

ماقتاارالداعى ماقتا وڭدەۋ زاۋىتى - تمد-دا تەڭدەسى جوق كاسىپورىن

ەلباسى ن.نازارباەۆتىڭ قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ اتتى قازاقستان حالقىنا ارناعان جولداۋىندا اۋىلشارۋاشىلىعى سالاسىنا ەرەكشە ءمان بەرگەنى بەلگىلى. وسىعان وراي، تۇركىستان وبلىسى، ماقتاارال اۋدانىنداعى ماقتا وڭدەۋ زاۋىتى ساندىق تەحنولوگيانىڭ يگىلىگىن كورىپ وتىر. تمد-دا تەڭدەسى جوق سانالاتىن كاسىپورىن اقش-تىڭ زاماناۋي تەحنولوگيالىق قۇرال-جابدىقتارىمەن قامتىلعان. 

ءشيتتى ماقتانى تەرەڭ وڭدەپ، دايىن تالشىق وندىرەتىن زاۋىت شىمكەنتتەگى ماتا شىعاراتىن ەكى كومبيناتتى دايىن ونىممەن قامتاماسىز ەتىپ وتىر. «اق التىننىڭ» وتانى سانالاتىن ماقتاارال اۋدانىندا ماقتا وندىرەتىن 6 كاسىپورىن بار. سولاردىڭ ىشىندەگى ماقتا تالشىعىن تەرەڭ وڭدەيتىن ىرگەلى ءوندىرىس ورىندارىنىڭ ءبىرى – وسى «مىرزاكەنت» ماقتا وڭدەۋ زاۋىتى. الىپ كاسىپورىن 120 ادامدى تۇراقتى جۇمىسپەن قامتىپ وتىر.

جالپى قۇنى 1 ميلليارد تەڭگەنى قۇرايتىن ءوندىرىس وشاعىنىڭ اۋداندارداعى ماقتا قابىلداۋ پۋنكتتەرىندە مىڭعا جۋىق ادام ەڭبەك ەتەدى. اقش-تىڭ سوڭعى ۇلگىدەگى جاڭا تەحنولوگياسىمەن جابدىقتالعان زاۋىتتىڭ وندىرىستىك قۋاتتىلىعى جىلىنا 60 مىڭ توننانى قۇرايدى. بىراق شيكىزاتتىڭ جەتىسپەۋشىلىگىنە بايلانىستى جىلىنا 35 مىڭ توننا ماقتا تالشىعىن وندىرەدى. الايدا سوعان قاراماستان باسقا زاۋىتتارمەن سالىستىرعاندا ەڭبەك ونىمدىلىگى 30 پايىزعا جوعارى. وعان ساندىق تەحنولوگيانىڭ ارقاسىندا قول جەتكىزىپتى.

زاۋىت ديرەكتورى ەرماحان جابۋوۆ «زاماناۋي تەحنولوگيا بولعاننان كەيىن بارلىعى اۆتوماتتى تۇردە جۇمىس ىستەيدى. زاۋىتتىڭ قوسىلۋىن، ءوشىرىلۋىن – ءبارىن اۆتوماتتى تۇردە ءبىر ادام باسقارادى. بۇرىنعى زاۋىتتا تسەحتىڭ بارلىعى بولەك-بولەك بولاتىن بولسا، بۇندا تسەحتىڭ ءبارى ءبىر جەردە. ماقتانى تازالاۋ، كەپتىرۋ، تالشىعى مەن شيتىنەن اجىراتۋ، پرەستەۋ – ءبارى ءبىر جەردە بولادى» دەيدى.

وسىنىڭ ناتيجەسىندە تالشىقتىڭ شىعۋى 30 پايىزعا ارتىپ، ساپاسى جوعارىلاعان. ال ماقتانى وڭدەۋ مەرزىمى 30 پايىزعا قىسقارىپتى. سونىمەن قاتار ەلەكتر قۋاتىن دا 25-30 پايىزعا ۇنەمدەپ ۇلگەرگەن. ءشيتتى ماقتانى تەرەڭ وڭدەپ، دايىن تالشىق وندىرەتىن كاسىپورىن قازىر شىمكەنتتەگى ماتا شىعاراتىن ەكى كومبيناتتى دايىن ونىممەن جارتىلاي قامتاماسىز ەتىپ وتىر. «ەگەر شيكىزات قورى جەتكىلىكتى بولسا، تولىق قامتۋعا قاۋقارىمىز جەتەدى»، – دەيدى زاۋىت ماماندارى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576