ەلباسىنىڭ جاقىندا عانا جاريالانىپ، كوپشىلىكتىڭ قارسى الۋىنا بولەنگەن «ۇلى دالانىڭ جەتى قىرى» ماقالاسىندا ايتىلعان «تۇركى وركەنيەتى: ءتۇپ تامىرىنان قازىرگى زامانعا دەيىن» اتتى جوبا – رۋحاني جاڭعىرۋ باعدارلاماسىنا وراي  قولعا الىناتىن ەلەۋلى جوبالاردىڭ ءبىرى بولماق.

بۇل جوبا بويىنشا 2019 جىلى استانا قالاسىندا تۇركولوگتاردىڭ دۇنيەجۇزىلىك كونگرەسىن ۇيىمداستىرۋ جوسپارلانىپ وتىر. سونداي-اق الەم ەلدەرىنىڭ مۋزەيلەرىنە ەجەلگى تۇرىك جادىگەرلەرىن قويىپ، حالىققا كەڭىنەن تانىستىرۋ، تۇركى حالىقتارىنىڭ مادەني كۇندەرىن ۇيىمداستىرۋ، تۇركى حالىقتارىنا ورتاق رۋحاني قازىنا – ونلاين كىتاپحانا اشۋ سەكىلدى اۋقىمدى ىستەر قولعا الىنسا، تۇركى وركەنيەتى قايتا جانداناتىن بولادى.

سونداي-اق، كونە قالا – تۇركىستاننىڭ وبلىس ورتالىعى بولۋىمەن قاتار، ونىڭ ەجەلگى بەدەلىن قايتا كوتەرۋ، قالانى رۋحاني ءھام ەكونوميكالىق تۇرعىدان دامىتۋ – بۇكىل تۇركى الەمى ءۇشىن ۇلكەن جەتىستىك بولادى دەپ سەنەمىن!

قاسىمحان بەگمانوۆ، اقىن، ەتنوگراف، «ءداستۇر» جۋرنالىنىڭ باس رەداكتورى

Abai.kz