ەلباسى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى:تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋىندا حالىققا ساپالى مەديتسينالىق قىزمەت كورسەتۋ تۋرالى ناقتى تاپسىرمالار بەرگەن بولاتىن.

وسىنى نەگىزگە الا وتىرىپ، جۋىرا دەنساۋلىق ساقتاۋ ءمينيسترى ەلجان ءبىرتانوۆ تۇركىستان وبلىسىنا ارنايى ىسساپارمەن كەلدى. ول وبلىس اكىمى جانسەيىت تۇيمەباەۆپەن بىرگە تۇركىستان قالاسىنداعى بىرقاتار ەمدەۋ مەكەمەلەرىن ارالاپ، تىنىس-تىرشىلىگىمەن تانىستى.

مەديتسينا قىزمەتكەرلەرىمەن كەزدەسكەن ەلىمىزدىڭ باس دارىگەرى پرەزيدەنت جولداۋىنىڭ نەگىزگى مىندەتتەرىن جان-جاقتى ءتۇسىندىرىپ، مەديتسينا سالاسىن جانداندىرۋ ماقساتىندا الداعى ۋاقىتتا اتقارىلاتىن جۇمىس جوسپارىمەن ءبولىستى.

«ەلباسى حالىققا ارناعان ءداستۇرلى جولداۋلارىندا دەنساۋلىق ساقتاۋ سالاسىن نازاردان تىس قالدىرعان ەمەس. ازاماتتاردىڭ سالاۋاتتى ءومىر سالتىن ۇستانۋىن قالاعان مەملەكەت باسىشىسىالعاشقى مەديتسينالىق-سانيتارلىق كومەكتىڭ، اسىرەسە، اۋىلدى جەرلەرگە دەيىن قولجەتىمدى بولۋىن قامتاماسىز ەتۋ كەرەكتىگىن ايتقان. ياعني مەديتسينالىق ورتالىقتاردىڭ تەحنيكالىق بازاسىن كوتەرىپ، دارىگەرلەردىڭ بىلىكتىلىگىن ارتتىرۋىمىز قاجەت. جاڭا تەحنولوگيانى كوبەيتۋ، ۋچاسكەلىك دارىگەرلەردىڭ موينىنا ارتىلعان جۇكتى جەڭىلدەتۋ، ساندىق تەحنولوگيا جانە ەلەكتروندى جۇيەگە تولىقتاي كوشۋ ارقىلى ەلىمىزدىڭ مەديتسيناسى دامي تۇسەدى. الداعى ۋاقىتتا تەلەفونمەن دارىگەردەن كەڭەس الۋعا جەتۋگە مۇمكىندىك بەرەلى»، – دەدى ەلجان ءبىرتانوۆ.

سونداي-اق ول جوعارى مەديتسينالىق كوللەدجدىڭ جۇمىسىمەن تانىستى. ەلىمىزدەگى ەڭ ۇزدىك كوللەدج اتانعان ءبىلىم ورداسىنىڭ تەحنيكالىق بازاسى زاماناۋي قوندىرعىلارمەن تولىق جابدىقتالعان. 1965 جىلى نەگىزى قالانعان ءبىلىم وشاعىندا بۇگىندە 2,5 مىڭعا جۋىق ستۋدەنت ءبىلىم الۋدا.

كەزدەسۋ بارىسىندا ايماق باسشىسى جانسەيىت تۇيمەباەۆ كوللەدج ستۋدەنتتەرىن ساپالى ءبىلىم الىپ، الداعى ۋاقىتتا تۇركىستان قالاسىندا جاڭادان اشىلاتىن 8 بىردەي مەديتسينالىق مەكەمەگە جۇمىس ىستەۋگە شاقىردى.

- مينيسترلىكپەن بىرلەسىپ دەنساۋلىق ساقتاۋ سالاسى بويىنشا بىرقاتار جوبالاردى جۇزەگە اسىرعالى وتىرمىز. ياعني وبلىس ورتالىعىندا جاڭادان اۋرۋحانالار  مەن ەمحانالار سالىنادى دەپ جوسپارلانۋدا. ودان بولەك كەلەشەكتە حالىقارالىق دەڭگەيدەگى جاڭا ارۋحانالار پايدا بولادى. سەبەبى، تۇركىستان قالاسى تۋريستىك ورتالىققا اينالاتىن بولادى. بۇل باعىتتا ەلباسىمىز ناقتى تاپسىرمالار بەرگەنىنەن حاباردارسىزدار. دەمەك، سىزدەر ءۇشىن كوپتەگەن جاڭا جۇمىس ورىندارى اشىلدى. سوندا وزدەرىڭىزدىڭ العان بىلىمدەرىڭىز بەن تاجىريبەلەرىڭىزدى حالىقتىڭ يگىلىگى ءۇشىن پايدالانىڭىزدار»، – دەدى جانسەيىت قانسەيىتۇلى.

سونىمەن قاتار مينيستر قالالىق ەمحاناسىنا دا ات باسىن بۇردى. 2013 جىلى اشىلعان 500 ورىنعا شاقتالعان. بۇگىندە ەمدەۋ مەكەمەسىندەگى قىزمەت كورسەتۋ پروتسەسى 100 پايىز ساندىق جۇيەگە كوشكەن. ەلجان ءبىرتانوۆ وسى جۇيەنى وزگە مەكەمەلەرگە ۇلگى ەتۋ كەرەكتىگىن جەتكىزدى. ياعني كەلەسى جىلدان باستاپ بارلىق ەمحانالار مەن اۋرۋحانالار مەديتسينالىق قۇجاتتاردى قاعازسىز، تسيفرلىق نۇسقادا جۇرگىزۋگە كوشۋگە مىندەتتەلگەن. بۇل ازاماتتاردىڭ دەنساۋلىق ساقتاۋ كىتاپشالارىنىڭ ەلەكتروندى نۇسقادا جاساۋعا، ەمدەۋ مەكەمەلەردەگى ۇزىن-سونار كەزەكتەردى جويىلۋىنا، بيۋروكراتيادان ارىلۋعا، قىزمەت كورسەتۋ ساپاسىن ارتتىرۋعا مۇمكىندىك بەرەتىنىن اتاپ ءوتتى.

Abai.kz