ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان كەزەكتى جولداۋىندا قۇقىق قورعاۋ ورىندارىمەن سوت جۇيەسىنىڭ اشىق بولۋ قاجەتتىگىنە توقتالىپ ءوتتى. سونداي-اق، 100 ناقتى قادام. ۇلت جوسپارىنىڭ 20-قادامىندا كوزدەلگەن بۇل باعىتتاعى جۇمىستار قارقىندى جۇرگىزىلىپ كەلەدى.

وسىعان سايكەس، تۇركىستان قالاسىندا ەكونوميكالىق سوتتىڭ جانىنان فرونت-وفيس اشىلدى. «تسيفرلى قازاقستان» مەملەكەتتىك باعدارلاماسى اياسىندا قولعا الىنعان باستامانىڭ ماقساتى — حالىققا سوت تورەلىگىنىڭ اشىقتىعى مەن قولجەتىمدىلىگىن ءىس جۇزىندە قامتاماسىز ەتۋ.

جاڭادان جۇمىسىن باستاعان نىساننىڭ اشىلۋ راسىمىنە تۇركىستان وبلىسىنىڭ اكىمى جانسەيىت تۇيمەباەۆ قاتىسىپ، قىزمەت كورسەتۋ ورتالىعىن ارالاپ كوردى.

حالىققا قىزمەت كورسەتەتىن مەملەكەتتىك مەكەمەلەردىڭ ساپاسىن ارتتىرۋ – زامان تالابى. بۇل تۋرالى ەلباسىمىز ۇنەمى ايتىپ كەلەدى. مىنە، بۇگىن وسى مىندەتتى ورىنداۋ بارىسىندا حالىققا قىزمەت كورسەتەتىن فرونت-وفيس اشىلىپ وتىر. بۇل حالىق پەن بيلىك اراسىن ودان سايىن جاقىنداستىرا تۇسەتىن مەكەمە. مۇندا ماسەلەنىڭ دەر كەزىندە، ءادىل شەشىلۋىنە بارلىق جاعداي جاسالعان. ياعني، ورتالىقتا كورسەتىلەتىن قىزمەتتەردىڭ باسىم بولىگى ەلەكتروندى جۇيەگە كوشىرىلگەن. بۇل قوعامدا داۋ-داماي تۋىندايتىن بولسا، بۇرىنعىداي ۇزاق ۋاقىتقا سوزىلماي، قىسقا مەرزىمدە شەشىلەدى دەگەن ءسوز»، — دەدى جانسەيىت قانسەيىتۇلى.

عيماراتتا اقپاراتتىق ورتالىق، كىرىس كەڭسەسى مەن وزىنە-ءوزى قىزمەت كورسەتۋ ايماقتارى ورنالاسقان. كۇتۋ زالىندا كەلۋشىلەرگە جاعداي جاسالعان، ينتەرنەت جەلىسى، ءموبيلدى سىمتەتىكتەردى قۋاتتاعىشتارمەن دە جابدىقتالعان.

سونىمەن قاتار، مۇندا داۋلاردى سوتقا دەيىن جەتكىزبەي شەشۋگە جۇمىس ىستەيتىن مەدياتسيا كابينەتى قاراستىرىلعان. وندا تاراپتاردىڭ ماسەلەسىن ءادىل شەشىپ، ءىستى توقتاتۋمەن اينالىساتىن كاسىبي ماماندارمەن قامتىلعان.

ودان بولەك، كەڭسەدە «ۆەرتۋالدى سوت وتىرىسى» جوباسىن ىسكە اسىرۋ جۇيەسىمەن دە قامتىلعان. بۇل جوبا ەلىمىزدىڭ كەز-كەلگەن جەرىنەن ەلەكتروندى قۇرىلعىلاردىڭ كومەگىمەن سوت وتىرىستارىنا قاتىسۋعا مۇمكىندىك بەرەدى.

Abai.kz