ەلباسى نۇرسۇلتان نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىنىڭ نەگىزى – حالىقتىڭ الەۋمەتتىك جاعدايىن جاقسارتۋ، تۇرعىنداردىڭ جالاقىسىن كوتەرۋ سياقتى الەۋمەتتىك تۇيتكىلدەردى شەشۋگە باعىتتالعانى بەلگىلى. وسىعان سايكەس، وڭىرلەردە دە بىرقاتار جۇمىستار اتقارىلىپ جاتىر.

ماسەلەن، بۇگىنگى تاڭدا تۇركىستان وبلىسىنداعى جۇمىسشىلاردىڭ ورتاشا ايلىعى 103 464 تەڭگەنى قۇرايدى ەكەن. بۇل تۋرالى جۋىردا «نۇر وتان» پارتياسى تۇركىستان وبلىستىق فيليالىنىڭ ۇيىمداستىرۋىمەن وتكەن  فراكتسيا وتىرىسىندا  وبلىستىق مەملەكەتتىك كىرىستەر دەپارتامەنتىنىڭ باسشىسى الىبەك تىلەگەنوۆ  مالىمدەگەن بولاتىن.

الىبەك تىلەگەنوۆ  ايتۋىنشا،  2019 جىلدىڭ 1 قاڭتارىنان باستاپ جالاقىلارى تومەن ازاماتتاردىڭ سالىقتارىن 10 پايىزدان         1  پايىزعا تومەندەتكەن جاعدايدا، بولجاممەن بيۋدجەت ءتۇسىمى 1 ملرد. 219 ملن.تگ ازايادى.

بيۋدجەت جوعالتىمى بولعانىمەن، تومەن جالاقى الاتىن ازاماتتاردىڭ ورتاشا ايلىق جالاقىلارى 2500-3000 تەڭگەگە ارتادى.

تىلەگەنوۆتىڭ پىكىرىنشە اتقارىلعان شارالاردىڭ ناتيجەسىندە حالىقتىڭ ءال-اۋقاتى ءبىر جاڭا دەڭگەيگە كوتەرىلەدى.

گۇلجان نۇرلانقىزى

Abai.kz