ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا حالىقتىڭ الەۋمەتتىك جاعدايىن جوعارىلاتۋ بويىنشا ناقتى تاپسىرمالار بەرگەن بولاتىن. بۇگىندە وسى جولداۋدىڭ نەگىزىندە وڭىرلەردە ءتۇرلى جۇمىستار اتقارىلىپ جاتىر.

ماسەلەن تۇركىستان قالاسىندا قالا قوناقتارىنا ارنالعان بەس جۇلدىزدى قوناق ءۇيدىڭ قۇرىلىسى باستالدى. وتكەن اپتادا وبلىس اكىمى  جانسەيىت تۇيمەباەۆ «قالا كۇنى» مەرەكەسىنىڭ قارساڭىندا «RIXOS KHADISHA TURKESTAN» بەس جۇلدىزدى قوناق ءۇيىنىڭ كاپسۋلاسىن سالۋ راسىمىنە قاتىسقان بولاتىن. وندا قوناق ءۇي كەشەنىن جوباسىمەن تانىسىپ، قۇرىلىس جۇمىستارىن سالتاناتتى جاعدايدا باستاپ بەردى. جيىندا بارىسىندا ايماق باسشىسى اتقارىلىپ جاتقان بۇل شارالار - تۇركىستان قالاسىن تۇركى الەمىنىڭ مادەني استاناسى ەتۋدىڭ العى شارتى ەكەنىن اتاپ ءوتتى.

«ءبىزدىڭ وبلىس تاريحي-مادەني مۇرالار مەن ەسكەرتكىشتەرگە باي ءوڭىر. مۇنداي جەرلەرگە تۋريستەر كوپتەپ اعىلاتىنى ءمالىم. سوندىقتان دا ءبىز تۋريستىك ينفراقۇرىلىمدى بارىنشا جاقسارتا ءتۇسۋىمىز كەرەك. ياعني، شەتەلدىك قوناقتاردى جوعارى دەڭگەيدە كۇتىپ الۋ ءۇشىن وڭىردەگى اۋەجاي جانە تەمىر جول جەلىلەرىندە ساپالى قىزمەتتەر كورسەتىلۋى ءتيىس. بۇل تۇرعىدا قوناق ۇيلەردىڭ دە دەڭگەيى جوعارى بولۋى ۇلكەن مانگە يە. دەمەك، قالامىز قوناقتاردىڭ ءجۇرىپ-تۇرۋىنا ىڭعايلا بولسا، كەلەتىن تۋريستەردىڭ سانى دا ارتا تۇسەدى. وسى رەتتە، ءوز قاراجاتى ەسەبىنەن وسىنداي ءزاۋلىم عيمارات سالعالى جاتقان سەرىكجان سەيتجانوۆ مىرزاعا العىس بىلدىرەمىن»، - دەدى جانسەيىت قانسەيىتۇلى.

120 ورىنعا شاقتالعان قوناق ءۇي 3 گەكتار اۋماقتا بوي كوتەرەدى. 6 قاباتتان تۇراتىن عيماراتتا 3 بىردەي مەيرامحانا، كينوتەاتر جانە ىسكەر توپ وكىلدەرى ءۇشىن بيزنەس ورتالىقتار جوسپارلانعان. جوبانىڭ جالپى قۇنى 10 ملرد. تەڭگەنى قۇرايدى. جوسپار بويىنشا قۇرىلىس جۇمىستارى 2019 جىلدىڭ جەلتوقسان ايىندا اياقتالادى دەپ كۇتىلۋدە. بۇدان بولەك، وبلىس اكىمى «ROYAL GRAND HOTEL» قوناق ءۇيىنىڭ اشىلۋىنا قاتىستى. 2016 جىلى قۇرىلىسى باستالعان عيماراتتىڭ جالپى اۋماعى 1,5 مىڭ شارشى مەتر. قوناق ءۇي تاۋلىگىنە 60 ادامعا قىزمەت كورسەتەدى.زاماناۋي قۇرال-جابدىقتارمەن قامتىلعان قوناق ءۇي كەشەنىندە كىشى ماركەت، شاشتاراز، ءدامحانا، مونشا جانە ءدارىحانا جۇمىس ىستەيدى. ودان بولەك، مۇندا قوناقتارعا ارنالعان جەكە اۆتوتۇراق قاراستىرىلعان.

Abai.kz