دۇيسەنبى, 1 ماۋسىم 2020
COVID-19 قازاقستاندا. جۇقتىرعاندار — 10858. جازىلعاندار — 5404. قايتىس بولعاندار — 41
1431 1 پىكىر 30 قاراشا, 2018 ساعات 13:00

كەنتاۋدا 60 پاتەرلى 2 كوپقاباتتى تۇرعىن ءۇي پايدالانۋعا بەرىلدى

ەلباسى نۇرسۇلتان نازارباەۆ تۇرعىنداردىڭ الەۋمەتتىك جاعدايىن كوتەرۋ ماقساتىندا ناۋرىز ايىندا 5 الەۋمەتتىك باستاما جوباسىن جاريالاعان بولاتىن. سول باستامانىڭ ءبىرىنشى قادامىندا “ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ” قاجەت دەگەن ناقتى تاپسىرما بەرگەن بولاتىن.

وسىعان سايكەس، بۇگىن تۇركىستان وبلىسى، كەنتاۋ قالاسىندا قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسى قارساڭىندا 60 پاتەرلى 2 كوپقاباتتى تۇرعىن ءۇي پايدالانۋعا بەرىلدى. سالتاناتتى شاراعا ارنايى قاتىسقان تۇركىستان وبلىسىنىڭ اكىمى جانسەيىت تۇيمەباەۆ، ءۇي كەزەگىندە تۇرعان ازاماتتارعا باسپانانىڭ كىلتىن تاپسىردى.

«ەلباسىمىز حالىقتى تۇرعىن ۇيمەن قامتاماسىز ەتۋ ءۇشىن ىرنەشە باعدارلامالاردى ىسكە قوستى. اتاپ ايتساق، «نۇرلى جول»، «نۇرلى جەر» جانە «7-20-25» باعدارلامالارى قازاقستاندىقتارعا شاراپاتىن تيگىزۋدە. وعان بۇگىن سىزدەر دە كۋا بولىپ وتىرسىزدار. مۇنداي قۋانىشتار مۇنىمەن شەكتەلمەيدى. ءۇي كەزەگىندە تۇرعان بارلىق ازاماتتار كەزەڭ-كەزەڭىمەن باسپانالى بولادى»، – دەدى جانسەيىت قانسەيىتۇلى.

«نۇرلى جەر» مەملەكەتتىك باعدارلاماسى اياسىندا سالىنعان نىسانداردىڭ جالپى جوبالىق - سمەتالىق قۇنى 898 ملن. 686 مىڭ تەڭگەنى قۇرايدى. «سترويسەرۆيس XXI» جشس 5 قاباتتى عيماراتتاردىڭ قۇرىلىس جۇمىستارىن 2017 جىلى باستاعان. «يۋجكازپروەكت» جي جشس جوبالاۋ جۇمىستارىن اتقارسا، نىسانداردىڭ تەحنيكالىق قاداعالاۋىنا «Royal Company» جشس جاۋاپتى. ايتا كەتسەك، جىل سوڭىنا دەيىن 2 قاباتتى 5 قىزمەتتىك ءۇي پايدالانۋعا بەرىلەدى دەپ كۇتىلۋدە. سونداي-اق، 2019 جىلى كەنتاۋ قالاسىندا قوسىمشا 60 پاتەرلى 5 تۇرعىن ءۇي ەل يگىلىگىنە تاپسىرىلادى. جالپى 300 پاتەر بولاتىن جوبانىڭ سمەتالىق قۇنى 2 175 ملن. تەڭگەنى قۇرايدى.

Abai.kz

1 پىكىر