ەل پرەزيدەنتىنىڭ «قازاقستان – 2030» جولداۋىنداعى ۇزاق مەرزىمدى باسىمدىقتىڭ ءبىرى —«قازاقستان ازاماتتارىنىڭ دەنساۋلىعى، ءبىلىمى مəن əل اۋقاتى» تارماعىندا: «…ازاماتتارىمىزدىڭ ءوز ءومىرىنىڭ اياعىنا دەيىن ساي بولۋى جəنە ولاردى قورشاعان تابيعي ورتانىڭ تازا بولۋى ءۇشىن» ازاماتتارىمىزدى سالاۋاتتى ءومىر سالتىنا əزىرلەۋ قاجەتتىگى كورسەتىلگەن. بۇگىنگى تاڭدا ءوز تəۋەلسىزدىگىن العان ەگەمەندى ەلىمىز وسى باعىتتا قازاقستان مەكتەپتەرىنە جان-جاقتى دامىعان، دەنساۋلىعى مىقتى، سالاۋاتتى ءومىر سالتىن مۇرات تۇتقان دارا تۇلعالاردى تəربيەلەۋ باستى تالاپ ەتىپ قويىلعان

قازاقستان ازاماتتارىنىڭ دەنساۋلىعىن نىعايتۋ، سالاۋاتتى ءومىر سالتىن ىنتالاندىرۋ تۋرالى ەلباسىنىڭ جولداۋىن ەگەمەندىكتىڭ كىلتىن ۇستار جاستاردىڭ بولاشاعىنا اپاراتىن التىن سۇرلەۋ دەسە بولادى.

2020 جىلعا دەيىن ەلىمىزدەگى ازاماتتاردىڭ 30 پايىزى بۇقارالىق سپورتقا تارتىلۋى كەرەك. بۇل قازاقستانداعى سپورتقا جاۋاپتى تۇلعالارعا جۇكتەلگەن مەملەكەت باسشىسىنىڭ تاپسىرماسى. سول سەبەپتى قازىر قالا مەن اۋىلداردا جاڭادان سپورت كەشەندەرى اشىلىپ، ازاماتتاردىڭ سالاۋاتتى ءومىر سالتىن ۇستانۋعا كوپ جاعداي جاسالۋدا. مىسالى تۇركىستان وبلىسى، قازىعۇرت اۋدانىندا تۇرعىنداردىڭ 27 پايىزى بۇگىندە بۇقارالىق سپورتقا دەن قويدى. اتقامىنەرلەر الداعى ەكى جىلدا جوعارىداعى مەجەگە جەتەمىز دەپ قۇلشىنىپ وتىر.

قازىعۇرت اۋدانىندا بۇگىندە بالالار مەن جاسوسپىرىمدەرگە ارنالعان 4 سپورت مەكتەبى بار. ولاردا 2000 استام بالا سپورتتىڭ 20 جۋىق تۇرىمەن اينالىسادى. قازىر اۋداندا ەكى سپورت كەشەنى بار بولسا، جۋاردا جاڭادان ءۇشىنشىسى پايدالانۋعا بەرىلەدى. ارينە سپورت كەشەندەرىندە جاتتىعىپ جاتقانداردىڭ ءبارى بىردەي ەل نامىسىن قورعاپ، داڭقتى سپورتشى اتانباسا دا جۇزدەگەن بالانىڭ اراسىنان ءبىر مىقتىنىڭ شىعارى انىق. ونداي دارىندى ۇل-قىزداردى جاتتىقتىرۋشىلار تۇراقتى تۇردە اۋىل-ايماقتاردى ارالاپ، ىزدەپ تابادى ەكەن.

قۇرالبەك بۇحاروۆ

قازىعۇرت اۋداندىق سپورت ءبولىمىنىڭ باسشىسى

ءبىز نەگىزى اۋىل-اۋىلدارداعى مەكتەپتەرگە بارىپ، حابارلاندىرۋلار ىلەمىز. ءسويتىپ جاس سپورتشىلاردى ىرىكتەپ، ولاردى جاپپاي وقىتامىز. „جۇزدەن جۇيرىك، مىڭنان تۇلرپار„ دەمەكشى ارالارىنان مىقتىلارى سۋىرىلىپ شىعادى. سول بالالارمەن ءبىزدىڭ جاتتىقتىرۋشىلارىمىز ەرەكشە جۇمىس جاسايدى.

ماسەلەن قازىعۇرت اۋدانىنىڭ وتكەن جىلعى سپورتتا جەتكەن جەتىستىكتەرىن ءتىزىپ ايتار بولساق 2017 جىلى جاستار ەلىمىزدە جانە شەتەلدە وتكەن جارىستاردا 45 التىن، 76 كۇمىس پەن جۇزدەن استام قولا جۇلدەنى ومىراۋعا تاققان. ولاردىڭ اراسىندا الداعى وليمپيادا ويىندارىنا بارىپ، باق سىناۋى مۇمكىن دەگەن سپورتشىلار دا جوق ەمەس.

كەز-كەلگەن سپورت سالاسىنىڭ تىزگىنىن ناعىز مايتالمان مامان ۇستاسا عانا، سول سالانىڭ اسىعى الشىسىنان تۇسەرى انىق. سەبەبى كاسىبي مامان عانا بالالارعا نە ۇيرەتۋ كەرەك ەكەنىن جانە مىقتى سپورتشى دايىنداۋ ءۇشىن قانداي جاعداي جاسالۋ قاجەتتىگىن جەتىك بىلەدى. سالاۋاتتى ءومىر سالتىن ۇستانعان جاندار ءوز كەزەگىندە قاتارداعى ازاماتتارعا سپورتپەن اينالىسىپ، سەرگەك جۇرۋگە كەڭەس بەرەدى.