سەيسەنبى, 26 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4515. قايتىس بولعاندار — 35
1380 2 پىكىر 30 قاراشا, 2018 ساعات 16:02

ج.تۇيمەباەۆ: ۇلت كوشباسشىسىنىڭ كورەگەندىگىن بۇكىل ەل بىلەدى جانە قۇرمەتتەيدى

بۇگىن تۇركىستان قالاسىندا تۇڭعىش پرەزيدەنت كۇنىنە ارنالعان اۋقىمدى مەرەكەلىك شارا ءوتىپ جاتىر. مەرەيلى مەرەكەگە ءتۇرلى سالادا قىزمەت اتقاراتىن وبلىس تۇرعىندارى، ءماسليحات دەپۋتاتتارى، باسقارما باسشىلارى، قوعامدىق ۇيىمدار مەن زيالى قاۋىم وكىلدەرى قاتىسۋدا.

شاراعا كەلگەندەر الدىمەن ق.ا.ياسساۋي اتىنداعى حقتۋ-دىڭ فويەسىندە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كورمەمەن تانىستى. كورمەدە ەلباسىمىزدىڭ قوعامدىق جانە ساياسي قىزمەتىنەن سىر شەرتەتىن قۇندى فوتوسۋرەتتەر مەن دەرەكەتەر قويىلعان.  ودان كەيىن جيىلعان كوپشىلىك سالتانتتى جيىندى تاماشالادى. باسقوسۋدا تۇركىستان وبلىسىنىڭ اكىمى جانسەيىت تۇيمەباەۆ جۇرتشىلىقتى مەرەكەمەن قۇتتىقتاپ، ەلباسىنىڭ باتىل باستامالارى مەن «ۇلى دالانىڭ جەتى قىرى» ماقالاسى جونىندە بايانداما جاسادى.

«بارشاڭىزدى قازاقستان رەمپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن. بيىل بۇل مەرەكەنى جاڭا وبلىس ورتالىعىندا، ياعني، تۇركىستان قالاسىندا العاش رەت اتاپ وتۋدەمىز. بۇل دا تاريحي ءسات. تۇركىستانىمىز كوركەيىپ، كيەلى شاھاردىڭ جىلناماسى جارقىن وقيعالارمەن تولىعىپ جاتىر.

بۇگىندە قازاقستان ەلباسىمىزدىڭ سارابدال ساياساتىنىڭ ناتيجەسىندە بەيبىتشىلىك پەن كەلىسىمنىڭ، بىرلىك پەن تاتۋلىقتىڭ مەكەنىنە اينالدى. ۇلت كوشباسشىسىنىڭ كورەگەندىگى مەن ساياسي قايراتكەرلىگىن بۇكىل ەل بىلەدى جانە قۇرمەتتەيدى. مىنە، ەلدىڭ ىستىق ىقىلاسىنىڭ ناتيجەسىندە بىرنەشە جىلدان بەرى قازاقستان رەسپۋبليكاسىنىڭ تۇڭعىش پرەزيدەنتى كۇنى اتالىپ ءوتىپ ءجۇر. بۇل ەل پەرزەنتىنە، ۇلت كوشباسشىسىنا بەرىلگەن ءادىل باعا جانە لايىقتى قۇرمەت!» ، — دەگەن تۇركىستان وبلىسىنىڭ اكىمى ءبىر توپ ازاماتقا «استانا 20 جىل» مەرەكەلىك مەدالى مەن وبلىس اكىمىنىڭ العىس حاتىن تاپسىردى.

سالتاناتتى شارانىڭ جالعاسى كەشكى مەرەكەلىك كونتسەرتپەن ورنەكتەلەتىن بولادى.

 Abai.kz

2 پىكىر