ەلباسىنىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ" اتتى قازاقستان حالقىنا ارناعان جولداۋىندا وڭىرلەردىڭ ينۆەستيتسيالىق الەۋەتىن كوتەرۋگە باس نازار اۋدارعانى دا بەلگىلى.

شاردارا قالاسىنىڭ ماڭىنان تاعى ءبىر سۋقويما سالىنادى. ارتىق سۋدى قۇمعا جىبەرۋ ارقىلى جايىلىم جەرلەردىڭ كولەمىن ارتتىرۋ قاجەت. ءتيىستى سالا ماماندارىنىڭ باسىن قوسقان جانسەيىت تۇمەباەۆ وسىلاي دەدى. القالى جيىندا ايماقتىڭ قىس ماۋسىمىنا دايىندىعى ءسوز بولىپ، كەمشىن تۇستارىن تولىقتىرۋ جايى ايتىلدى.

بۇگىندە ايماقتاعى سۋقويمالاردىڭ قاۋىپسىزدىگى قاتاڭ قاداعالانۋدا. 2018-2019 جىلداردىڭ قىسقى كەزەڭىن قاۋىپسىز وتكىزۋ ماقساتىندا بولۋى مۇمكىن توتەنشە جاعدايلاردى جويۋعا ارنالعان جۇمىستار ازىرلەنگەن. رەسپۋبليكالىق ماڭىزى اسۋلاردا7, وبلىستىق ماڭىزى بار جولداردا 4 جىلىتۋ بەكەتتەرى ورنالاسقان. الداعى ۋاقىتتا «قازسۋشار» مەكەمەسى مەن وبلىستىق اۋىل شارۋاشىلىعى باسقارماسى بىرلەسە وتىرىپ، وڭىردەگى سۋقويمالارداعى سۋ قورىن ءتيىمدى پايدالانۋ كەرەك. وسىنى ەرەكشە نازارعا العان جانسەيىت تۇيمەباەۆ سىرداريا وزەنى بويىنان جاڭا سۋقويما سالۋ بويىنشا قۇجاتتاردى ازىرلەپ، قر اۋىل شارۋاشىلىعى مينيسترلىگىنە جولداۋدى مىقتاپ تاپسىردى.

وبلىستىڭ قىس ماۋسىمىنا دايىندىعى پىسىقتالدى

جانسەيىت تۇيمەباەۆ – تۇركىستان وبلىسىنىڭ اكىمى

وسىنىڭ ءبارى ءبىزدىڭ وبلىس ءۇشىن قاجەت! نەگە ءبىز سۋدا وزبەكستانعا بۇرىپ قويىپ وتىرۋىمىز كەرەك. ولاي بولمايدى! سول سۋدى شاردارانىڭ ارعى جاعىنان سۋقويما سالىپ، قۇمعا جىبەرىپ قويساق، سول جەردە مال بورداقىلاۋعا بولادى. ونداي تاجىريبە الماتىدا بار مىسالىعا.

وڭىردەگى 3 مىڭعا تارتا بيۋدجەتتىك مەكەمە قىس ماۋسىمىنا تولىق دايىن. جىلۋ ناۋقانىنا قاجەتتى 169 مىڭ توننا كومىر وتىنى جانە 6 ملن. ليتر سۇيىق وتىن تولىق تاسىمالدانعان. ورتالىقتاندىرىلعان جىلۋمەن قامتاماسىز ەتىلەتىن 544 كوپقاباتتى تۇرعىن ءۇي جىلۋ بەرۋگە دايىن. بىراق، سالادا كەمشىن تۇستار كوپ. وبلىس كولەمىندە ەلەكتر ەنەرگياسىنىڭ ءجيى سونەتىندىگىن سىنعا العان اكىم 53 مىڭ كۆت جارىق بەرىلمەگەندىگىن جەتكىزدى. سونداي-اق،  شاردارادا كومىر باعاسىنىڭ شارىقتاپ كەتكەندىگىن العا تارتىپ، ءتيىستى سالا ماماندارىنا قاتتى وتىننىڭ قۇنىن تۇراقتاندىرۋدى تاپسىردى. ءوڭىردىڭ كەي اۋداندارىندا كەنجەلەپ تۇرعان گاز قۇبىرىن تارتۋ جۇمىستارىن شيراتۋدى اۋدان اكىمدەرىنە نۇسقادى.

جانسەيىت تۇيمەباەۆ – تۇركىستان وبلىسىنىڭ اكىمى

دەپۋتاتتار كەلىپ، ءبىزدىڭ ءوڭىردى ارالاعاندا ءمىنى، ماعان دا ايتىپ جاتىر، گاز قۇبىرىن تارتۋدى شيراتۋ كەرەك دەپ. بىششدە اركىم قاراۋسىز قالدىرعان، سوسىن كەلىپ، دەپۋتتارعا شاعىمدانادى. قويۋ كەرەك وندايدى، اۋدان اكىمدەرى جۇمىستى جانداندىرۋ كەرەك.

قازىر ايماقتاعى اۆتوموبيل جولدارىن قىسقى مەرزىمدە كۇتىپ ۇستاۋ جۇمىستارى دا قىزىپ تۇر. كۇرە جولدى كۇتىپ-باپتاۋعا 134 بىرلىك تەحنيكا، 279 ادام جۇمىلدىرىلعان. ينەرتتى ماتەريالدار جەتكىزىلگەن. جيىندا وبلىس اكىمى جانسەيىت تۇيمەباەۆ ءوڭىردىڭ قىس ماۋسىمىنا دايىندىق جۇمىستارىن پىسىقتاۋدا اسا مۇقيات بولۋ كەرەكتىگىن ايتتى. سونداي-اق، تۇركىستان-شىمكەنت، شىمكەنت-سارىاعاش باعىتىنداعى اۆتوموبيل جولىندا جول كولىك وقيعاسىن ازايتۋ ماقساتىندا قاۋىپسىزدىك شارالارىن ۇيىمداستىرۋدى  تاپسىردى.

پ.بينازارقىزى    

Abai.kz