ەلباسى نۇرسۇلتان نازارباەۆ جاڭادان قۇرىلعان تۇركىستان وبلىسىنا ەرەكشە نازار اۋدارىپ وتىرعانى بەلگىلى. وڭىردەگى ءار سالانى دامىتۋ ءۇشىن ناقتى تاپسىرمالار دا بەرگەن بولاتىن. ەلباسىنىڭ سول تاپسىرمالارىنا سايكەس، وڭىردە ءار سالا بويىنشا قارقىندى جۇمىستار اتقارىلىپ جاتىر.

ماسەلەن، جۋىردا تۇركىستان وبلىسى، سارىاعاش قالاسىندا «تسيفرلى قازاقستان» مەملەكەتتىك باعدارلاماسى اياسىندا كەزدەسۋ وتكەن بولاتىن. جيىن بارىسىندا «تۇركىستان» اكك» اق-نىڭ «تسيفرلاندىرۋ ورتالىعى» فيليالى مەن سارىاعاش اۋدانى اكىمدىگى اراسىندا ىنتىماقتاستىق جونىندە مەموراندۋم جاسالدى.

«تۇركىستان وبلىسىنداعى تسيفرلاندىرۋ ورتالىعىنىڭ» ديرەكتورى اسىلبەك جانعۇلوۆتىڭ ايتۋىنشا، مۇنداي قۇجاتتار تىڭ جوبالاردى جۇزەگە اسىرۋدا جاڭا مۇمكىندىكتەر بەرەدى.

«وبلىستا ساندىق فورماتقا كوشۋ بويىنشا قارقىندى جۇمىستار جۇرگىزىلىپ جاتىر. ماسەلەن، قازىرگى كۇنى دەنساۋلىق ساقتاۋ، ءبىلىم بەرۋ، قاۋىپسىزدىك، ترانسپورت جانە تۇرعىن ءۇي-كوممۋنالدى شارۋاشىلىعى سياقتى بەس سالادا 27 جوبا جۇزەگە اسىرىلۋدا. ءبىزدىڭ فيليالدىڭ ءبىر اي بۇرىن اشىلعانىنا بايلانىستى، ازىرگە، اتالعان قۇجاتتاردى ازىرلەۋگە كەلىسىم بەرگەن العاشقى اۋدان سارىاعاش بولىپ وتىر. الداعى ۋاقىتتا مۇنداي كەلىسىمدەر تۇركىستانداعى بارلىق اۋدان، قالالاردىڭ اكىمدىگىمەن جاسالىپ، جۇمىستاردى بىرلەسە اتقارامىز»، - دەدى اسىلبەك جانعۇلوۆ.

Abai.kz