بەيسەنبى, 28 ناۋرىز 2024
ساڭلاق 3781 1 پىكىر 4 جەلتوقسان, 2018 ساعات 11:05

«التىن دوپ» جۇلدەسىن حورۆاتيالىق فۋتبولشى الدى

فرانتسيا استاناسى پاريجدە ءداستۇرلى «التىن دوپ» جۇلدەسىن تابىستاۋ ءراسىمى ءوتتى.

بۇل ماراپات فۋتبول الەمىندە سوڭعى ءبىر جىلدا تولاعاي تابىسقا جەتكەن سپورتشىعا بەرىلەدى. اتالعان جۇلدەنى سوڭعى ون جىل بويى پورتۋگاليالىق كريشتيانۋ رونالدۋ مەن ارگەنتينالىق ليونەل مەسسي ەشكىمگە بەرمەي جۇرگەن. قوس ۇزدىك الادوپ الەمىنىڭ باس بايگەسىن بەس رەتتەن يەلەندى.

ال بيىل سول ءۇردىستى 33 جاستاعى حورۆات لۋكا مودريچ بۇزىپ وتىر. «رەال مادريد» ساپىندا چەمپيوندار ليگاسىندا توپ جارىپ، حورۆاتيا قۇراماسىن باستاپ الەم چەمپيوناتىنىڭ اقتىق سىنىنا دەيىن جەتكەن مودريچ فۋتبول ماماندارىنىڭ ماقتاۋىنا بولەندى.

جىل ۇزدىگىن الەمدەگى 176 ەلدىڭ سپورت جۋرناليستەرى داۋىس بەرۋ ارقىلى انىقتادى. ناتيجەسىندە لۋكا مودريچ 753 داۋىس جيناپ ايقىن جەڭىسكە جەتتى. «يۋۆەنتۋستىڭ» شاۋبىلشىسى كريشتيانۋ رونالدۋ ەكىنشى ساتىدا. ال فرانتسيالىق انتۋان گريزمانن («اتلەتيكو مادريد») ءۇشىنشى ورىنعا تۇراقتادى. جوعاردا ءبىز ءسوز ەتكەن ليونەل مەسسي («بارسەلونا») بەسىنشى ورىندى قاناعات تۇتتى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530