بوكستان فينالدىق باسەكەدە تۇركىستان وبلىسى مەن ماڭعىستاۋ وبلىسى كەزدەسكەن بولاتىن. وتە تارتىستى وتكەن كەزدەسۋدە 5:4 ەسەبىمەن ماڭعىستاۋ وبلىسى جەڭىسكە جەتتى.

كەزدەسۋدىڭ نەگىزگى ۋاقىتى 4:4 ەسەبىمەن تەڭ اياقتالدى. تۇركىستان وبلىسى ساپىنان س. بيبوسىنوۆ، ق. ەراليەۆ، ن. رايىس، ب. نۇرماعامبەتتەر جەڭىسكە جەتتى.

ماڭعىستاۋلىق بوكسشىلار قاتارىنان س. تولتاەۆ، م. وسكەنبەك، ب. نۇرداۋلەتوۆ، ا. داۋرەنۇلى قارسىلاستارىنا دەس بەرمەدى.

قوسىمشا جەكپە-جەكتە ماڭعىستاۋلىق ب. جەدىباەۆ نامىسقا تىرىسىپ، ءوز كومانداسىنا جەڭىس اپەردى.

وسىلايشا، ءبىرىنشى ورىندى ماڭعىستاۋ، ەكىنشى ورىندى تۇركىستان وبلىسى يەلەندى. ءۇشىنشى ساتىدا قاراعاندى وبلىسى مەن استانا قالاسى بوكسشىلارى كورىندى.

قازاق كۇرەسىنەن قاراعاندىلىق «قاراعاندى وبلىسى قازاق كۇرەسى» سپورت كلۋبىنىڭ سپورتشىلارى 2017 جىلعى كونفەدەراتسيا كۋبوگىنىڭ جەڭىمپازدارى «قازاق كۇرەسى» سپورت كلۋبىنىڭ سپورتشىلارىن 3:5 ەسەبىمەن ۇتىپ، جارىس جەڭىمپازى بولدى.

ەركىن كۇرەستەن شىعىس قازاقستان وبلىسىنىڭ بالۋاندارى استانا قالاسىنىڭ سپورتشىلارىن 4:2 ەسەبىمەن جەڭىپ، كۋبوكقا يە بولدى. ال گرەك-ريم كۇرەسىنەن الماتى وبلىسىنىڭ بوز كىلەم شەبەرلەرى الماتى قالاسىنىڭ سپورتشىلارىن 4:2 ەسەبەبىمەن ايقىن باسىمدىقپەن ۇتتى.

تاەكۆوندودان الماتى قالاسىنىڭ قۇراماسى تۇركىستان وبلىسىنىڭ سپورتشىلارىن 82:42 ەسەبىمەن ۇتىپ، مىقتى ەكەندەرىن دالەلدەدى.
ال تاتامي شەبەرلەرى اراسىندا وتكەن تارتىستى باسەكەدە اتىراۋ وبلىسى قاراعاندى وبلىسىنىڭ سپورتشىلارىنان 4:2 ەسەبىمەن باسىم ءتۇسىپ، 2017 جىلعى چەمپيونداردى جەڭدى.

جەڭىمپازدار 25 ملن تەڭگە كولەمىندە سىياقى الدى.

ەستەرىڭىزگە سالا كەتسەك، جارىستىڭ جالپى جۇلدە قورى 145 ملن تەڭگەنى قۇرايدى. جارىس قر ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆتىڭ باستاماسىمەن 2016 جىلدان باستاپ تۇراقتى تۇردە وتكىزىلىپ كەلە جاتىر.

كونفەدەراتسيا كۋبوگىنىڭ ناتيجەلەرى:

دزيۋدو
اتىراۋ وبلىسى
قاراعاندى وبلىسى
4:2

بوكس
تۇركىستان وبلىسى
ماڭعىستاۋ وبلىسى
4:5

تاەكۆوندو
الماتى قالاسى
تۇركىستان وبلىسى
82:42

قازاق كۇرەسى
سك «قازاق كۇرەسى» (المماتى قالاسى)
سك «قاراعاندى وبلىسى قازاق كۇرەسى»
(قاراعاندى وبلىسى)
3:5

ەركىن كۇرەس
ۆكو
استانا قالاسى
4:2

گرەك-ريم كۇرەسى
الماتى قالاسى
الماتى وبلىسى
2:4