2018 جىلعى 19-30 قاراشا ارالىعىندا رەسپۋبليكانىڭ بارلىق ءبىلىم بەرۋ ۇيىمدارىندا دۇنيەجۇزىلىك بالالار كۇنىنە ارنالعان «بالا قۇقىعى – ادام قۇقىعى» اتتى رەسپۋبليكالىق ونكۇندىك وتەدى، - دەپ حابارلايدى اباي-اقپارات.

ماقساتى – ءبىلىم بەرۋ ۇيىمدارى وقۋشىلارىنىڭ قۇقىقتىق مادەنيەتىن، بالا قۇقىقتارى تۋرالى بۇۇ كونۆەنتسياسىنىڭ نەگىزگى ەرەجەلەرى تۋرالى ءبىلىم دەڭگەيلەرىن ارتتىرۋ.

ونكۇندىكتىڭ بارىسىندا بارلىق وڭىرلەردە قۇقىقتىق ءبىلىم كۇنى، جالپى مەكتەپىشىلىك اتا-انالار جينالىسى، قوعامدىق قابىلداۋلار، بالالار مەن جاستار قوعامدىق بىرلەستىكتەرى كوشباسىلارىنىڭ سلەتى، سەمينارلار، دوڭگەلەك ۇستەلدەر، قايىرىمدىلىق اكتسيالار، مەملەكەتتىك جانە قوعامدىق ۇيىمداردىڭ باسشىلارىمەن، ءماسليحات دەپۋتاتتارىمەن كەزدەسۋلەر، اتا-انالار، ۇەۇ، بالالار ۇيلەرىنىڭ، كامەلەتكە تولماعاندارعا ارنالعان بەيىمدەۋ ورتالىقتارىنىڭ، ينتەرناتتىق مەكەمەلەردىڭ تاربيەنۋشىلەرىنىڭ، ەرىكتىلەر توپتارى مۇشەلەرىنىڭ قاتىسۋىمەن كەڭ كولەمدى ءىس-شارالار ۇيىمداستىرىلادى.

ونكۇندىكتىڭ شەڭبەرىندە «ابايلا، تەرەزە!»، «سۋداعى قاۋىپسىزدىك»، «اقپاراتتىق قاۋىپسىزدىك»، «وتباسىنداعى زورلىق-زومبىلىق»، «بالالاردىڭ جولداعى قاۋىپسىزدىگى»، «بالالاردىڭ قۇقىقتارى» اتتى الەۋمەتتىك بەينەروليكتەر (مەملەكەتتىك جانە ورىس تىلدەرىندە) كورسەتىلەتىن بولادى.

قازاقستاندىق بالالاردىڭ ساپالى ءبىلىم، مەديتسينالىق قىزمەتتى الۋىنا، قوعامدىق ومىرگە ارالاسۋىنا، قاۋىپسىز ورتادا جەكە ومىرىنە قۇقىعىن جۇزەگە اسىرۋىنا جانە ءارتۇرلى قىزمەت سالاسىندا وزدەرىنىڭ قۇقىقتارىن پايدالانۋىنا مۇمكىندىكتەرى بار.

قازىرگى تاڭدا بالالار – قوعامدىق بىرلەستىكتەر مەن بالالار ۇيىمدارىنىڭ بەلسەندى كوشباسىشىلارى، ولار بالالارعا ارنالعان جوبالار، فورۋمدار جانە ءىس-شارالار ارقىلى ءوز پىكىرلەرىن سۇيىسپەنشىلىكپەن جانە ولاردىڭ قاتىسۋىمەن جۇزەگە اسىراتىن بولادى.

Abai.kz