جۇما, 29 ناۋرىز 2024
الاشوردا 6730 0 پىكىر 13 جەلتوقسان, 2018 ساعات 12:04

قازۇۋ-دا الاش ارىستارىنا ارنالعان عىلىمي كونفەرەنتسيا ءوتتى

كەشە، 12 جەلتوقسان كۇنى ءال-فارابي اتىنداعى قازۇۋ كىتاپحاناسىندا الاش زيالىلارىنىڭ اعارتۋشىلىق ميسسياسى مەن  كىتاپ شىعارۋ ىسىندەگى ەڭبەكتەرىن باعالاۋ جانە ناسيحاتتاۋ ماقساتىندا «قازاق كىتابى: الاش قايراتكەرلەرىنىڭ كىتاپ باسۋ ءىسىنىڭ دامۋىنا قوسقان ۇلەسى» اتتى حالىقارالىق عىلىمي-تاجىريبەلىك كونفەرەنتسيا ءوتتى. «رۋحاني جاڭعىرۋ» باعدارلاماسى اياسىندا وتكەن جيىندى جۋرناليستيكا فاكۋلتەتى، باسپاگەرلىك-رەداكتورلىق جانە ديزاينەرلىك ونەر كافەدراسىنىڭ ۇيىمداستىردى.

قازاق ءبىلىمىنىڭ قارا شاڭىراعى سانالاتىن قازۇۋ-ءدىڭ جۋرناليستيكا فاكۋلتەتى الاش ارداقتىلارىنىڭ ەڭبەگىن ءناسيحاتتاۋدا ەلەۋلى جۇمىس اتقارىپ كەلەدى. بۇعان دەيىن دە ۇلت زيالىلارىن ۇلىقتاۋدىڭ وزىق ۇلگىسىن كورسەتە بىلگەن قارا شاڭىراق قابىرعاسىندا وتكەن حالىقارالىق كونفەرەنتسيادا الاش قايراتكەرلەرى دايىنداعان وقۋلىقتاردىڭ ءمانى مەن ماڭىزى، ءبىرتۋار پەرزەنتتەرىمىزدىڭ كوركەم شىعارمالارى مەن اۋدارمالارىنىڭ ۇلت رۋحانياتىنداعى الار ورنى جان-جاقتى عىلىمي تۇرعىدا سارالاندى.

كونفەرەنتسياعا كەلگەن كوپشىلىك الدىمەن كولەمدى فوتوكورمەمەن تانىسۋ مۇمكىندىگىنە يە بولادى. فوتوكورمە الاش ارىستارىنىڭ قازاق ءۇشىن ىستەگەن قاجىرلى ەڭبەكتەرىنەن سىر شەرتتى. حالىقتىڭ اياۋلى پەرەزەنتتەرىنىڭ قولىنان شىققان گازەت-جۋرنالدار مەن كىتاپتار توپتاستىرىلعان فوتوكورمە قازاق ءباسپاسوزىنىڭ باستاۋ كوزىن كوز الدىمىزعا كەلتىردى.

كونفەرەنتسيادا ءسوز العان عالىمدار، الاشتانۋشىلار وتكەن عاسىردىڭ باس شەنىندەگى بايتاق قازاق دالاسىنىڭ بەينەسىن سوزبەن سۋرەتتەدى. پاتشالىق رەسەيدىڭ جەزتىرناعى جاۋىرىنىنا باتقان قازاق حالقى قىزىل يمپەريانىڭ قاندى قاقپانىنا قالاي تۇسكەنى بارىمىزگە بەلگىلى. سونداي الماعايىپ داۋىردە تۋعان حالقىن تۇزاقتان اراشالاپ قالۋ ءۇشىن الاش قايراتكەرلەرى قولدان كەلگەننىڭ ءبارىن جاسادى.

الاش ارىستارىنىڭ ارقايسىسى مىڭ ادامنىڭ قىزمەتىن اتقارعانىن تاريحي دەرەكتەر دالەلدەپ وتىر. اتالعان كونفەرەنتسياعا ارقاۋ بولعان "الاش قايراتكەرلەرىنىڭ كىتاپ باسۋ ءىسىنىڭ دامۋىنا قوسقان ۇلەسى" ولاردىڭ ەل يگىلىگى ءۇشىن ىستەگەن قىزمەتتەرىنىڭ اسا قۇندى ءبىر سالاسى ەكەنى ءسوزسىز. كونفەرەنتسياعا قاتىسقان عالىمدار الاش زيالىلارىنىڭ ەڭبەكتەرىن زەرتتەپ-زەردەلەۋ ءىسى بۇدان دا قارقىندى جۇرگىزىلۋى كەرەك ەكەنىن باسا ايتتى. كونفەرەنتسيا سوڭىندا "الاشش تۋى استىندا" اتتى دەرەكتى فيلم كورسەتىلدى.

قۋانىش قاپپاس

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576