بەيسەنبى, 28 ناۋرىز 2024
ساڭلاق 4807 7 پىكىر 14 جەلتوقسان, 2018 ساعات 10:56

ەلوردالىقتار ەۋروپا ليگاسىنداعى جورىعىن اياقتادى

«استانا» بۇگىن ەۋروپا ليگاسى توپتىق كەزەڭىنىڭ سوڭعى تۋرىندا فرانتسيالىق «رەننگە» قوناققا بارىپ، 2:0 ەسەبىمەن جەڭىلىپ قالدى.

العاشقى بەس تۋردىڭ قورىتىندىسى بويىنشا ەلوردالىق كوماندا 8 ۇپاي جيناپ، ك توبىندا ەكىنشى ورىندا تۇرعان. الايدا ءۇشىنشى ورىنداعى فرانتسۋز كومانداسىنان ەكى ۇپاي عانا الدا بولاتىن. ەۋروپا ليگاسىنىڭ پلەي-وفف كەزەڭىنە ءوتۋ ءۇشىن سوڭعى تۋردا «رەننگە» تەك جەڭىس كەرەك بولسا، «استانا» ءۇشىن تەڭ ويىن دا جەتكىلىكتى ەدى.

ەكى كوماندانىڭ دا پلەي-وففتان ءۇمىتى بولعاندىقتان، بۇل ماتچ اسا تارتىستى بولادى دەپ كۇتىلگەن. الايدا ويىن ءبىز ويلاعانداي تارتىسقا تولى بولعان جوق. ءادىلىن ايتقاندا الاڭ يەلەرىنىڭ ايىق باسىمدىلىعى بايقالىپ تۇردى. قازاقستاندىق كوماندا تەڭ ناتيجەنى قاناعات تۇتتى ما، الدە ماۋسىم اياقتالىپ قويعاندىقتان بابىن جوعالتتى ما، بۇگىن ءبىز ناعىز «استانانى» كورە المادىق. تەك قورعانىستىڭ قامىن كۇيتتەپ، ارتقا پاس بەرۋدەن اسا الماعان كوماندا ءۇشىن جەڭىستىڭ اۋىلى الىس ەدى.

فرانتسۋز جەرىندە وتكەن ماتچتىڭ العاشقى تايمىندا گول سوعىلمادى. الاڭ يەلەرى 45 مينۋت بويى تىنباي شابۋىلداسا دا ەسەپ اشا العان جوق.

الايدا ەكىنشى تايمدا ءبارى باسقاشا بولدى. العاشقى 45 مينۋتتا سىر بەرمەگەن «استانا» قورعانىسىنان ساڭىلاۋ تابىلدى. قارسىلاستار ءبىر ەمەس ەكى بىردەي گول سوعىپ، دەگەندەرىنە جەتتى. ەكى گولدى دا 20 جاستاعى سەنەگالدىق شابۋىلشى يسمايلا سارر سوقتى.

وسىلايشا ەلوردالىق كوماندا ەۋروپا ليگاسىنان شىعىپ قالدى. قۇرامىندا كىلەڭ لەگيونەرلەر دوپ تەپسە دە ەل بولىپ قولداۋ كورسەتكەن كوماندامىز توپتىق كەزەڭنەن اسا المادى. وتكەن جىلى عانا ەۋروپا ليگاسىنىڭ 1/16 فينالىنا دەيىن جەتكەن ەلوردالىق كلۋب بيىل سول بيىگىنەن ءسال تومەندەپ قالدى.

ەۋروپا ليگاسى. توپتىق كەزەڭ. سوڭعى تۋر

«رەنن» - «استانا» - 2:0 (0:0)

گول سوققان: سارر 66', 73'

«رەنن»: دياللو، دا سيلۆا، مەشەر، سارر، گرەنە، سيباچو، بۋريگو، بەنسەبايني، بەن-ارفا، اندرە، تراورە;

«استانا»: ەريچ، رۋكاۆينا، انيچيچ، كلياينحايسلەر، پەدرو ەنريكە، توماسوۆ، ماەۆسكي، زاينۋتدينوۆ، ريچارد المەيدا، كابانانگا، پوستنيكوۆ.

قۋانىش قاپپاس

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503