قاراردا ورىس اسكەرىنىڭ رەسەي اننەكسيالاعان قىرىمدا بولۋى ۋكراينانىڭ ۇلتتىق دەربەستىگىنە، ساياسي تاۋەلسىزدىگىنە جانە تەرريتوريالىق تۇتاستىعىنا نۇقسان كەلتىرەتىندىگى ايتىلعان.

بۇۇ باس اسسامبلەياسى رەسەيدىڭ قىرىمدى ميليتاريزاتسيالاپ جاتقانىنا الاڭداۋشىلىق ءبىلدىردى. رەسەي قىرىمعا يادرولىق ۇشۋ اپپاراتىن، زىمىراندارىن، قارۋ-جاراقتارى مەن اسكەر قۇرامىن ورنالاستىرعان دەلىنگەن قۇجاتتا. بۇعان قوسا قاراردا كەرچ بۇعازى ارقىلى كوپىر سالىنۋى ايىپتالعان.

25 قاراشادا رەسەي شەكاراشىلارى اننەكسيالانعان قىرىم جاعالاۋلارىندا ۋكراينا تەڭىز كۇشتەرىنىڭ ءۇش كەمەسىن اتقىلاپ، باسىپ الدى. كەمەلەردىڭ بورتىنداعى 24 ۋكراين تەڭىزشىسى تۇتقىنعا الىندى. باتىس ەلدەرى تەڭىزشىلەردى بوساتۋىن رەسەيدەن تالاپ ەتتى.

رەسەي 2014 جىلى قىرىمدى اننەكسيالادى. ۋكراينا، ەو ەلدەرى جانە اقش بۇنى ۋكراين اۋماعىن وككۋپاتسيالاۋ دەپ اتادى.

Abai.kz