ايتايىن دەگەنىم، جەلتوقسان مەن تاۋەلسىزدىكتى قوساقتاۋدىڭ قاجەتى جوق. بۇرىنعى تاريحىمىزداعى وتىرىكتەر از بولعانداي، جاڭا تاريحىمىزعا دا وتىرىكتى جازۋعا تىرىسۋدامىز. مەن بىلەتىن جەلتوقساندا تاۋەلسىزدىك تۋرالى ءسوز بولماق تۇگىلى، ونداي وي دا بولعان جوق. راس، الاڭعا شىققان جاستار ماسكەۋدىڭ ديكتاتىنا قارسى شىعىپ، ءوزىمىزدىڭ ىشىمىزدەن شىققان باسشى عانا باسقارسىن، لەنيندىك ۇلتتىق ساياسات بۇزىلماسىن دەدى. بىراق ول كەزدە ءبىز تاۋەلسىز ەل بولايىق، كسرو-دان ءبولىنىپ شىعايىق، تاۋەلسىزدىك ءۇشىن كۇرەسەيىك دەگەن اڭگىمە بولعان جوق.

ال ول وقيعانىڭ نەلىكتەن ورىن العانى تۋرالى مەن سوناۋ 2011 جىلدىڭ باسىندا ماقالا جازعانمىن. («جاس الاش» گازەتى، 2011 جىل، №6 سانى. «التاۋ الا بولعان سوڭ»). سوندىقتان، 1986 جىلى جەلتوقسان ايىندا تاۋەلسىزدىك ءۇشىن كوتەرىلىس بولدى دەگەن وتىرىكتەن ارىلايىق.

ال ەندى تاۋەلسىزدىك جونىندە. بۇل جەردەگى وتىرىك مىناۋ: قازاقستان تاۋەلسىزدىك الدى. كىمنەن الىپتى؟ قالاي الىپتى؟ قازاقتار، بىزدەر تاۋەلسىزدىك العان جوقپىز، "تاۋەلسىز" بولىپ قالدىق. تاۋەلسىزدىك ءبىزدىڭ باسىمىزعا توپ ەتىپ تۇسە قالدى، سونى تۇسىنىڭدەرشى. سوندىقتاندا شىعار، تاۋەلسىزدىگىمىزدىڭ ەش قادىرى جوعى. ەگەر شىنىمەندە كۇرەسىپ ءجۇرىپ تاۋەلسىزدىك العان بولساق، بىرەر اي بۇرىن كوشەلەرىمىز قىزىلدى-جاسىلدىعا بويانىپ، اۋىلدارىمىز دا، قالالارىمىزدا گۇلدەرگە كومكەرىلىپ تۇراتىن ەدى عوي. قايدا وندايلار؟ جوق. ويتكەنى مەرەكەلەۋگە بيلىكتىڭ دە، حالىقتىڭ دا قۇلقى جوق.

تۋعانىنان وڭباي قالعان كسرو دەگەن مەملەكەت وتىرىك ايتقاننان قۇلاپ قالىپ ەدى، ءبىزدىڭ دە تۇبىمىزگە وتىرىك جەتىپ جۇرمەسىن..."

ناعاشىباي ەسمىرزانىڭ facebook پاراقشاسىنان

Abai.kz