مۇنىڭ ارتى رەۆوليۋتسيا بوپ كەتۋى ابدەن مۇمكىن!
پرەزيدەنت بىرىڭعاي جيىنتىق تولەمدى 2019 جىلدىڭ 1 قاڭتارىنان ەنگىزۋ تۋرالى جارلىققا قول قويدى.
بۇل شەشىمدى ءوز باسىم بيلىك وسى كۇنگە دەيىن الدىنا جان سالماي، جارنامالاپ كەلە جاتقان "ەكونوميكانى ديۆەرسيفيكاتسيالاۋ", "ۇدەمەلى-يننوۆاتسيالىق دامۋ", "جۇمىس ورىندارىمەن قامتۋ" سەكىلدى جالعان باعدارلامارىنىڭ ارتىن اشقان قۇجات دەپ تانيمىن!
مەندەلەەۆ تابليتساسىنىڭ ۇستىندە وتىرىپ، قولدا بار مۇمكىندىكتەردى پايدالانا الماي، 27 جىل ىشىندە حالىقتىڭ كوپشىلىگىن جۇمىسپەن قامتي الماعان بيلىك، مىنە، وسىنداي ارسىز ءارى ساياسي تۇرعىدان العانداي مۇلدەم جاۋپاسىز قادامعا بارىپ وتىر!
جۇمىسسىزدارعا قول ۇشىن بەرىپ، كومەكتەسۋدىڭ ورنىنا وكىمەت ولاردى ودان سايىن قيناپ، تالاعىسى كەلەدى.
مۇنداي "رەفورماسىماقتى" مەن ونسىز دا ازىپ-توزىپ، اشىنىپ وتىرعان حالىقتىڭ قالتاسىنا قول سالىپ، ودان سايىن اشۋ-ىزاسىن كەلتىرۋ دەپ سانايمىن!
وسى جارلىقتى ورىنداۋ بارىسىندا نەبىر قۇيتىرقىلىقتار ورىن الىپ، ارتى رەۆوليۋتسياعا ۇلاسىپ كەتۋى دە ابدەن مۇمكىن! ءوز كۇنىن ءوزى كورىپ وتىرعان حالىققا تيىسپەي-اق قويۋى كەرەك ەدى!
ءامىرجان قوساننىڭ facebook پاراقشاسىنان
Abai.kz
