جۇما, 23 تامىز 2019
اباي.tv 5946 9 پىكىر 4 قاڭتار, 2019 ساعات 18:34

«دەم». ءۇنسىز قارسىلىق

قازاق قوعامىنىڭ قازىرگى بەينەسى بارىمىزگە بەلگىلى. بيلىك پەن حالىقتىڭ اراسى جەر مەن كوكتەي الىستاپ كەتكەن. حالقىن ۇمىتقان قازاق بيلىگى ات توبەلىندەي توپتىڭ سويىلىن سوعىپ، ءسوزىن سويلەۋدەن تايىنباي وتىر. ال قاراپايىم حالىق كۇنكورىستىڭ كۇيبەڭىندە بارى-جوعى بىلىنبەي ميمىرت تىرشىلىك كەشۋدە. كوپ ادامنىڭ وسى كۇيگە ەتى ۇيرەنگەنى سونشا تاعدىردىڭ تۇزاعىنا تىپىرلاي الماستاي تۇسالعان. 

ال ەلدىڭ ەڭسەسى باسىلعانىن، ادىلدىك پەن ادامدىقتىڭ اق تۋى جىعىلعانىن جان-جۇرەگىمەن سەزىنگەن سانالى توپ تورعا قامالعان ارىستانداي اھ ۇرۋدا. "كۇش قازانداي قاينايدى، كۇرەسۋگە شاما جوق" دەگەن سول جانداردىڭ ايتارى تەك "سۇم ءومىر اباقتى عوي سانالىعا" بولىپ تۇر...

[embed]

[/embed]

ەستى ادامنىڭ جانى قاشان دا تىنىشتىق تاپپاسا كەرەك... الدە نەنى ىزدەيدى، الدە نەنى اڭسايدى. مىنا دۇنيەدە ارتىقىراق ءومىر بارىن سەزەدى، تالپىنادى. فيلم كەيىپكەرى سونداي ادامي ورتانى، سامعاي ۇشار ەركىن اسپاندى اڭساعان جان. كينونىڭ اۆتورلارى وسى شاعىن ەڭبەگىندە سول اڭسارىن ىزدەگەن جاننىڭ تۋعان قالاسىمەن ءۇنسىز قوشتاسۋىن، ءوز ورتاسىنا ءۇنسىز قارسىلىعىن، سىبىرعا جۋىق ءۇنىن، ياعني «دەمىن» عانا سەزدىرۋگە تىرىستى.

Abai.kz

9 پىكىر