جۇما, 29 ناۋرىز 2024
3361 0 پىكىر 10 قاڭتار, 2019 ساعات 10:20

استانا سيريادان قازاقستاننىڭ 47 ازاماتى قايتارىلعانىن مالىمدەدى

سيريادان قازاقستاننىڭ 47 ازاماتى، ونىڭ ىشىندە 30 بالا مەن 11 ايەل ەۆاكۋاتسيالاندى. بۇل تۋرالى 9 قاڭتاردا اقوردانىڭ ءباسپاسوز قىزمەتى حابارلادى.

اقوردانىڭ رەسمي سايتىندا جاريالانعان ۆيدەودا پرەزيدەنت نۇرسۇلتان نازارباەۆ 6 قاڭتاردا قازاقستاندىق قۇقىق قورعاۋ ورگاندارى مەن سىرتقى ىستەر مينيسترلىگى جۇرگىزگەن گۋمانيتارلىق وپەراتسيا بارىسىندا 47 ازاماتتىڭ سيريادان ەلگە جەتكىزىلگەنىن ايتادى.

"ولار كەزىندە داعدارىس ورناعان ەلگە الدانىپ بارىپ، تەررورشىلار تۇتقىنىنا ءتۇسىپ قالعان. ءبىراز ادامدار الدانىپ سيرياعا باردى دا، كوپشىلىگى سوعىس كەزىندە قايتىس بولدى. بۇل كىسىلەر قازاقستانعا ورالعان سوڭ ءبىر اي ءبىزدىڭ جاعدايعا ۇيرەنىپ، مەديتسينالىق باقىلاۋدان وتەدى" دەدى قازاقستان پرەزيدەنتى.

نازارباەۆ قازاقستان قاقتىعىس ايماعىندا ەرىكسىز جۇرگەن ازاماتتاردى، اسىرەسە بالالاردى قايتارۋ جۇمىستارىن جالعاستىرا بەرەتىنىن ايتادى.

2018 جىلى شىلدە ايىندا قازاقستاننىڭ ۇلتتىق قاۋىپسىزدىك كوميتەتى (ۇقك) سيريا مەن يراكتا سوعىس باستالعالى تاياۋ شىعىسقا 800-گە تارتا قازاقستاندىق كەتكەنىن حابارلاعان. كوميتەت سيريا مەن يراكتاعى حالىقارالىق تەررورلىق ۇيىمداردا 120 ەر ادام، 250-دەن استام ايەل جانە 500 بالا بارىن ايتقان.

بىلتىر ناۋرىزدا ۇقك توراعاسىنىڭ ورىنباسارى نۇرعالي بىلىسبەكوۆ سيريادان 125 قازاقستاندىقتىڭ ورالعانىن، 57 ادامنىڭ قاماۋدا وتىرعانىن، قالعاندارىنىڭ باقىلاۋدا ەكەنىن ايتقان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3557