استانا. 15 مامىر. قازتاگ – دانيار تەمءىرباەۆ. اۋسترياداعى ەكس-ەلشى راحات اليەۆكە مەملەكەت باسشىسى نۇرسۇلتان نازارباەۆ تۋرالى پاسكۆيلدەر شىعارعان جاراسپايدى، دەپ ءمالىم ەتتى ءماجىلىستىڭ قارجى بيۋدجەتى جونىندەگى كوميتەتىنىڭ توراعاسى كەنجەعالي ساعاديەۆ.

استانا. 15 مامىر. قازتاگ – دانيار تەمءىرباەۆ. اۋسترياداعى ەكس-ەلشى راحات اليەۆكە مەملەكەت باسشىسى نۇرسۇلتان نازارباەۆ تۋرالى پاسكۆيلدەر شىعارعان جاراسپايدى، دەپ ءمالىم ەتتى ءماجىلىستىڭ قارجى بيۋدجەتى جونىندەگى كوميتەتىنىڭ توراعاسى كەنجەعالي ساعاديەۆ.

«كەزىندە نۇرسۇلتان ءابىشۇلى قارادان بي قىلدىرعان ەلدەن بەزگەن راحات ءاليەۆكە جانە ونىڭ جاقىن ادامدارىنا ول تۋرالى (نۇرسۇلتان نازارباەۆ تۋرالى - قازتاگ) پاسكۆيلدەر شىعارعان جاراسپايدى»، - دەپ ءمالىم ەتتى جۇما كۇنى ك. ساعاديەۆ «نۇر وتان» پارتياسىنىڭ XII سەزدءىندە.

«قىلمىسكەر، ادامداردى ۇرلادى، ءولتىردى دەپ ايىپتالىپ وتىرعان، ءوزىنىڭ بۇلجىماس ماقساتتارى ءۇشىن تۋعان اكەسىن دە اياماي، ونى قاماپ قويىپ، ەلىنە قايتۋعا تىيىم سالعان ادامنىڭ باسقا بىرەۋدىڭ ىستەرىن سىناۋعا مورالدىق حاقىسى جوق»، - دەپ اتاپ كورسەتتى ءماجىلىس وكىلى.

ك. ساعاديەۆ «قازاقستان حالقى ءبارىن بىلەدى جانە ءوزىنىڭ ۇلتتىق جەتەكشىسىنە سەنەدى» دەپ اتاپ كورسەتتى.

«پرەزيدەنت، ءبىزدىڭ پارتيانىڭ توراعاسى نۇرسۇلتان نازارباەۆ بىزگە بۇگىن دە، ەرتەڭ دە قاجەت. ونىڭ الەمدىك قاۋىمداستىق مويىنداعان مەملەكەتتىك قايراتكەر رەتىندەگى تاجىريبەسى الداعى ۋاقىتتا دا حالىقتىڭ ىسىنە، دامۋ مەن گۇلدەنۋگە قىزمەت ەتەتىنىنە سەنىمدىمىن»، - دەپ قورىتىندىلادى دەپۋتات.