بۇل ساۋالدى جاقىندا پارلامەنت ماجىلىسىندەگى «نۇر وتان» پارتياسىنىڭ فراكتسياسىندا العاشقى مەديتسينالىق-سانيتارلىق كومەكتىڭ قولجەتىمدىلىگى مەن ساپاسىن ارتتىرۋعا ارنالعان جينالىستا يندۋستريا جانە ينفراقۇرىلىمدىق دامۋ مينيسترلىگىنىڭ وكىلىنە جولدادىم.

ويتكەنى، اسىرەسە، قىسى قاتتى سولتۇستىك وڭىرلەردە بوراندى كۇندەرى شالعايداعى اۋىلدارعا باراتىن اۆتوموبيل جولدارىن قار باسىپ قالىپ، ولارعا اۋدانداردىڭ ورتالىقتارىنان شىققان «جەدەل جاردەم» ماشينالارى دەر كەزىندە جەتە الماي جاتادى. سونىڭ سالدارىنان كەيدە اۋىر ناۋقاستارعا شۇعىل مەديتسينالىق كومەك كورسەتىلمەي، ولاردىڭ قايتىس بولۋ فاكتىلەرى ورىن الىپ جۇرگەنى ءمالىم.

وسىعان وراي جەرگىلىكتى جەرلەردە قىسقى كەزەڭدە «جەدەل جاردەم» قىزمەتى مەن اۆتوموبيل جولدارىن كۇتىپ-ۇستاۋعا جاۋاپتى ۇيىمداردىڭ جۇمىسىن ۇيلەستىرۋ قاجەتتىگى انىق.

كارىباي مۇسىرماننىڭ facebook پاراقشاسىنان

Abai.kz