دۇيسەنبى, 20 قىركۇيەك 2021
انىق 3230 3 پىكىر 28 قاڭتار, 2019 ساعات 11:07

2021 جىلى ءبىر ميلليون جۇمىسسىز جاس پايدا بولادى

بابامىزدان قالعان ءبىر تامسىلدە: «اۋقاتتى ادام بازار باسىندەگى تۇيە
قۇنىنىڭ 5 تەڭگە بولعانىنا قاراپ: «ە، ءالى دە ءبارى ارزان ەكەن عوي» دەپتى. سوندا جانىنداعى ۇلى «اكە، وسىدان ون جىل بۇرىن تۇيە قۇنى 3 تەڭگەگە كوتەرىلگەندە تىم قىمبات دەپ ەدىڭىز» دەسە، اكەسى ول كەزدە تۇيەنى ەمەس، ناندى دا ساتىپ الا المايتىن كەزىمىز بولاتىن، ەندى باعا بىزگە ەش اسەر ەتپەيدى دەپتى».

جىل سايىن بيىك مىنبەردەگى كوكەلەرىمىز جارقىن بولاشاقتى جاقىنداتىپ
قويادى. ەكى جىل بۇرىن مۇنايدىڭ 1 باررەلى $30 بولعان شاقتا، ءىجو تەك 1%-عا
ءوستى. قازىر ءىجو 4%-عا كوتەرىلدى. ينفلياتسيا جۇگەنسىزدىگى ۇلتتىق بانكتىڭ جوبالاۋىنشا 5,3% قۇرايدى. ءبىز وكىنىشكە وراي ەشتەڭە ءوندىرىپ شىعارمايمىز. بيۋدجەتتىڭ 70% مۇناي مەن تاۋ-مەتاللۋرگيا ونەركاسىبى قۇراپ وتىرعانى مەملەكەت دامۋى ءۇشىن وتە قاۋىپتى. وندا بار بولعانى تابىسى وتە جوعارى 2-3 مىڭ جان عانا ەڭبەك ەتەدى.

2019 جىلى مامانداردىڭ بولجاۋى بويىنشا 90 ملن توننا مۇناي
وندىرىلمەك، بۇل ميللياردتاعان دوللارلار ەل ۇكىمەتىنىڭ وڭدى-سولدى
ۇستاۋىنا ابدەن جەتەدى.

ۇلتتىق تەڭگەمىز سوڭعى 10 جىلدا 204% قۇنسىزداندى. قر 2019-2021 جىلدارعا ارنالعان بيۋدجەتى مۇناي باررەلىنىڭ $55 بولۋىنا نەگىزدەلىپ، قابىلدانعانىن جاقسى بىلەمىز. ءبىزدىڭ ءىجو $140-160 ملرد، ال، تۇتىنۋ نارىعىمىز $80 ملرد تۇزەدى. ەگەردە مۇناي باررەلىنىڭ ءباسى $25 بولىپ قالسا كۇنىمىز نە بولادى.

2000 جىلدارداعى بەبي-بۋمدا ومىرگە كەلگەندەر 19-عا كەلدى. جىل سايىن 180
مىڭ جاس مەكتەپ بىتىرەدى. ءبىز ولاردىڭ جوو-عا تۇسكىسى كەلمەگەن 60 مىڭىن
جۇمىسپەن قامتي الامىز با؟ قامتىساق قانداي كولەمدەگى جالاقى ۇسىنامىز.
ارنايى كاسىبي-تەحنيكالىق ءبىلىم بەرەتىن وقۋ وشاقتارى جوققا ءتان.
2021 جىلى ءبىر ميلليون جۇمىسسىز جاس پايدا بولادى. ولاردى قانداي
جارقىن بولاشاق كۇتىپ تۇر...

ءابىل-سەرىك الياكپار

Abai.kz

3 پىكىر