"ەلەكتروندىق ۇكىمەت" پورتالىنىڭ MGov قوسىمشاسىندا 12 قوسىمشا قىزمەت ىسكە قوسىلدى. بۇل تۋرالى "ۇلتتىق اقپاراتتىق تەحنولوگيالار" اق ءباسپاسوز قىزمەتى مالىمدەدى.

ەندى ءموبيلدى قوسىمشانىڭ كومەگىمەن ازاماتتار ناركولوگيالىق، پسيحونەۆرولوگيالىق جانە تۋبەركۋلەزگە قارسى ديسپانسەردەن انىقتامالار الا الادى. سونداي-اق، نەكەگە تۇرۋ تۋرالى قايتالاما كۋالىككە ءوتىنىش بەرۋ، اكە بولۋدى انىقتاۋ تۋرالى قايتالاما كۋالىككە ءوتىنىش بەرۋ، اتىن، تەگىن، اكەسىنىڭ اتىن اۋىستىرۋ تۋرالى قايتالاما كۋالىككە ءوتىنىش بەرۋ جانە نەكەنى بۇزۋ تۋرالى قايتالاما كۋالىككە ءوتىنىش بەرۋ مۇمكىندىگى پايدا بولدى.

سونىمەن قاتار، قازاقستان رەسپۋبليكاسىنىڭ حالقىن تۇرعىلىقتى جەرى بويىنشا تىركەۋ، جۇرگىزۋشى كۋالىگىن الۋ، ە-بيرجا (ەلەكتروندىق ەڭبەك بيرجاسى), مەكەنجاي بويىنشا تىركەلگەن ادامدار تۋرالى مەكەنجاي انىقتاماسىن بەرۋ (تەك Android ءۇشىن), قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ەسەپتەرى بويىنشا تۇلعانىڭ اكىمشىلىك قۇقىق بۇزۋشىلىق جاساعانى تۋرالى مالىمەت بەرۋ (تەك Android ءۇشىن) قىزمەت تۇرلەرى ەنگىزىلدى.

جوعارىدا كورسەتىلگەن قىزمەتتەردى ەتسق-مەن (ەلەكتروندىق تسيفرلىق قولتاڭبا) قول قويۋ ارقىلى نەمەسە ءبىر رەتتىك SMS-پارول ارقىلى الۋعا بولادى (ول ءۇشىن موبيلدىك ازاماتتار بازاسىندا مىندەتتى تۇردە تىركەلۋ قاجەت).

"ەلەكتروندىق ۇكىمەت" موبيلدىك قوسىمشاسىن پايدالانىپ جۇرگەن ازاماتتارعا جوعارىدا كورسەتىلگەن قىزمەتتەردى الۋ ءۇشىن mGov جاڭارتۋ جەتكىلىكتى.بۇگىندە eGov.kz پورتالىنىڭ موبيلدىك قوسىمشاسى ارقىلى 62 مەملەكەتتىك قىزمەت پەن سەرۆيس قولجەتىمدى.

وسىلايشا، بارلىق تانىمال انىقتامالار iOS جانە Android پلاتفورماسىندا گادجەتتەر اۋەسقويلارى ءۇشىن اۋدارىلعان. سونداي-اق، iOS جانە Android پلاتفورمالارىندا جوعارىدا كورسەتىلگەن ءموبيلدى قوسىمشا 1,38 ميلليون ەسەدەن استام جۇكتەلگەنىن اتاپ وتكەن ءجون، ال كورسەتىلگەن قىزمەتتەر سانى 3,66 ميلليوننان استى.

دەرەككوز: turkystan.kz

Abai.kz