فابريكا قىزمەتكەرىنىڭ ايتۋىنشا، سىناق بارىسىندا ءاربىر جۇمىسشىعا 15 سۇراقتان قويعان، ولاردىڭ كوبى كونستيتۋتسياعا، وزبەكستان ءانۇرانى مەن تۋىنا قاتىستى بولدى.

"كونستيتۋتسيا، ءانۇران، تۋ قاشان قابىلداندى؟" دەگەن سۇراقتار بولدى. ءانۇراندى جاتقا ايتۋىمدى سۇرادى. قاراپايىم جۇمىسشىلاردى وسىنداي سىناقتان وتكىزە مە؟" - دەيدى زاۋىت جۇمىسشىلارى.

سىناقتى تاپسىرعاندار زاۋىتتا قالادى، وتپەگەندەرى جۇمىستان شىعارىلادى. "700 جۇمىسشى سىناق تاپسىرعان. جارىمىن قىسقارتادى. ەندى كونديتەر بولۋ ءۇشىن تاريح فاكۋلتەتىندە وقۋ كەرەك", - دەيدى Crafers زاۋىتىنىڭ ءبىر جۇمىسشىسى.

فابريكا وكىلدەرى جۇمىسشىلاردى سىناقتان وتكىزگەنىن راستادى، بىراق پىكىر بىلدىرۋدەن باس تارتتى.

ەسكە سالايىق، وتكەن ايدا فابريكا جۇمىسشىلارى شامادان تىس ۋاقىت جۇمىس ىستەيتىنىنە شاعىمدانعان.

شوكولاد فابريكاسى وتكەن جىلى 5 قازاندا اشىلعان. مۇندا 850 جۇمىس ورنى بار.

Abai.kz