كۇردتەر وتريادىنان قۇرالعان سدك وكىلى Reuters اگەنتتىگىنە بەرگەن سۇقباتىندا مۇنى يم-گە باعىتتالعان سوڭعى شايقاس دەپ اتاعان.

اقش جەتەكشىلىك ەتەتىن حالىقارالىق كواليتسيا كۇرد وتريادىنا اۋەدەن سوققى بەرىپ، قولداۋ كورسەتەدى.

يم سيريانىڭ وڭتۇستىك-شىعىسىنداعى يراكپەن شەكارالاس ەۆفرات وزىنە جاقىن شاعىن ايماقتى باقىلاۋىندا ۇستاپ وتىر. سوڭعى كۇندەرى بۇل ايماقتان 20 مىڭ بەيبىت تۇرعىن كوشىپ كەتكەن.

ەكى جىل بۇرىن جيھادشىلار وڭتۇستىك-شىعىستىڭ بارلىق ايماعىن باقىلاۋىندا ۇستاعان. قازىر ونىڭ جارتىسى سيريا ۇكىمەتىنىڭ، ەكىنشى جارتىسى سدك-ءنىڭ باقىلاۋىنا وتكەن.

اقش پرەزيدەنتى دونالد ترامپ الداعى اپتادا سيريا ايماعىن ءجۇز پايىز يم-نەن ازات ەتكەنىن جاريالايمىز دەپ سەنىم بىلدىرگەن.

ترامپ وسىنىڭ الدىندا سيريادان امەريكا اسكەرىن شىعارۋدى بۇيىرعان. بۇل شەشىم كونگرەسس سىنىنا ۇشىرادى. ول جاقتان اسكەردى الىپ شىقساق، يم سيرياعا قايتا شوعىرلانۋى مۇمكىن دەپ قاۋىپتەنەدى كونگرەسس وكىلدەرى.

Abai.kz