جەكسەنبى, 17 اقپان 2019
357 4 پىكىر 11 اقپان, 2019 ساعات 10:03

ۇكىمەت ۇيىندە ازاماتتاردىڭ قوعامدىق قاۋىپسىزدىگىن قامتاماسىز ەتۋ ماسەلەلەرى قارالدى

ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ەلىمىزدە قوعامدىق قاۋىپسىزدىكتى جانە قۇقىق بۇزۋشىلىقتاردىڭ الدىن الۋ شارالارىن ودان ءارى قامتاماسىز ەتۋ ماسەلەلەرى جونىندە كەڭەس وتكىزدى.

كەڭەس بارىسىندا قوعامدىق ءتارتىپتى ساقتاۋ سالاسىنىڭ قازىرگى جاعدايى جانە قۇقىق بۇزۋشىلىقتاردىڭ الدىن الۋ شارالارى قارالدى. ىشكى ىستەر ءمينيسترى ق. قاسىموۆ ۇرلىقتارعا قارسى ءىس-قيمىل، تۇرمىستىق زورلىق زومبىلىقتىڭ جانە كامەلەت جاسىنا تولماعاندار اراسىندا قىلمىس ىستەۋشىلىكتىڭ الدىن الۋ، سونداي-اق قوعامدىق ءتارتىپتى ساقتاۋ جانە جول قاۋىپسىزدىگىن قامتاماسىز ەتۋ بويىنشا اتقارىلىپ جاتقان جۇمىستار تۋرالى باياندادى. بۇدان وزگە، اكىمشىلىك جانە قىلمىستىق ءىس جۇرگىزۋ قىزمەتىنە تسيفرلاندىرۋدى ەنگىزۋگە كوڭىل ءبولىندى.

ماسەلەلەردى قاراۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ ءتيىستى مەملەكەتتىك ورگاندارعا قىلمىستىلىققا قارسى ءىس-قيمىل ماسەلەلەرىن شۇعىل شەشۋگە مۇمكىندىك بەرەتىن قوعامدىق قاۋىپسىزدىكتى قامتاماسىز ەتۋ جانە قۇقىق بۇزۋشىلىقتاردىڭ الدىن الۋ بويىنشا شارالار كەشەنىن ازىرلەۋدى تاپسىردى.

تۇپنۇسقا: primeminister.kz

Abai.kz

4 پىكىر