دۇيسەنبى, 16 قىركۇيەك 2019
686 0 پىكىر 12 اقپان, 2019 ساعات 12:09

الماتى قالاسى اكىمى اپپاراتىنىڭ جاڭا باسشىسى تاعايىندالدى

الماتى قالاسى اكىمى اپپاراتىنىڭ جاڭا باسشىسى بولىپ جىگەر قاليەۆ تاعايىندالدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

مەملەكەتتىك قىزمەتتە ەداۋىر تاجىريبەسى بار. ءار جىلدارى اقتوبە وبلىسى ەكونوميكا جانە ينديكاتيۆتى جوسپارلاۋ دەپارتامەنتىنىڭ، جەر قويناۋىن پايدالانۋ جانە قورشاعان ورتانى قورعاۋ باسقارماسىنىڭ باسشىسى بولعان. سالىق كوميتەتى توراعاسىنىڭ اقتوبە قالاسى بويىنشا ورىنباسارى قىزمەتىن اتقارعان.

2007-2016 جىلدار ارالىعىندا «نۇر وتان» پارتياسى ورتالىق اپپاراتىنىڭ كەڭەسشىسى، ءبولىم مەڭگەرۋشىسى، ديرەكتوردىڭ ورىنباسارى، ۇيىمدىق-باقىلاۋ جۇمىسى دەپارتامەنتىنىڭ ديرەكتورى بولىپ جۇمىس ىستەگەن.

2016 جىلدان الماتى قالاسى اكىمى اپپاراتى باسشىسىنىڭ ورىنباسارى.

ايتا كەتەرلىگى، بۇرىندارى الماتى اكىمدىگى ترانسفورماتسيالانعان ەدى. قازىرگى كەزدە بارلىق باسقارمالار مەن اۋدان اكىمدىكتەرىنىڭ جۇمىستارى قايتا قۇرىلۋدا، پروتسەسستەردى وڭتايلاندىرۋ، تسيفرلى تەحنولوگيا مەن كورپوراتيۆتى باسقارۋدى ەنگىزۋ، مەملەكەتتىك قىزمەت كورسەتۋدىڭ ساپاسىن جاقسارتۋ جۇزەگە اسۋدا. التى باسقارما تاراتىلىپ، ولاردىڭ فۋنكتسيالارى وزگە قۇرىلىمدىق بولىمشەلەرگە بەرىلدى. وسىنىڭ ارقاسىندا باسقارۋ جانە كومەكشى لاۋازىمدار قىسقارىپ، بوساعان ورىندار حالىقپەن ەتەنە جۇمىس ىستەيتىن باسقارمالارعا بەرىلىپ،ولاردىڭ جۇمىستارى كۇشەيتىلدى.

Abai.kz

0 پىكىر