بەيسەنبى, 28 ناۋرىز 2024
2603 0 پىكىر 13 اقپان, 2019 ساعات 11:15

ۇكىمەت ۇيىندە 2019 جىلعى سۋ تاسقىنى كەزەڭىنە دايىندىق ماسەلەسى قارالدى

كەشە، 12 اقپاندا قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ورتالىق جانە جەرگىلىكتى اتقارۋشى ورگانداردىڭ 2019 جىلعى سۋ تاسقىنى كەزەڭىنە دايارلىعى ماسەلەسى قارالدى.

قر ىشكى ىستەر مينيسترلىگى جەرگىلىكتى اتقارۋشى ورگاندارمەن بىرلەسىپ، كوكتەمگى سۋ تاسقىنى كەزەڭىندە توتەنشە جاعدايلاردىڭ تۋىنداۋ قاۋپىن تومەندەتۋ بويىنشا ءىس-شارالار كەشەنىن جۇرگىزۋدە.

«سۋ باسۋدىڭ الدىن الۋ ماقساتىندا جەرگىلىكتى اتقارۋشى ورگاندار ەلدى مەكەندەردەن 3 ملن تەكشە مەتردەن استام قار شىعاردى، جانار-جاعارماي، ينەرتتى ماتەريالدار، قاپ جانە جارعىشتار قورى ازىرلەنۋدە. توتەنشە جاعدايلار رەزەرۆىندە جانە كەزەك كۇتتىرمەيتىن شىعىستار رەزەرۆىندە 17,7 ملرد تەڭگە قاراستىرىلعان. سۋ تاسقىنى جاعدايىنىڭ ىقتيمال كۇردەلەنۋىنە جەدەل دەن قويۋ ماقساتىندا جالپى سانى 15 مىڭ ادامنان جانە 2 مىڭنان استام تەحنيكادان تۇراتىن ىشكى ىستەر ورگاندارىنىڭ كۇشتەرى مەن قۇرالدارىنىڭ ارنايى توبى قۇرىلدى»، — دەدى ىشكى ىستەر ءمينيسترى ق. قاسىموۆ.

سونىمەن قاتار، ازاماتتىق قورعانىستىڭ اسكەري بولىمدەرى تەحنيكامەن، قۇرال-جابدىقتارمەن جەتە جاراقتالدى جانە ارنايى وپەراتسيالارعا قاتىسۋعا دايىن. وتكەن جىلى قۇتقارۋ جانە وزگە دە كەزەك كۇتتىرمەيتىن جۇمىستاردى جۇرگىزۋ ءۇشىن رەسپۋبليكالىق جانە جەرگىلىكتى بيۋدجەتتەر ەسەبىنەن ارنايى سۋ جيناۋ قۇرىلعىلارى، جاراقتار قوسىمشا ساتىپ الىندى. جەكەلەگەن وڭىرلەردە سۋ تاسقىنىنىڭ ىقيمال كۇردەلەنۋ جاعدايىنا ازاماتتىق قورعاۋدىڭ قۇتقارۋ بولىمشەلەرىنىڭ كۇشتەرى مەن قۇرالدارىن قوسىمشا اۋىستىرۋ ماسەلەلەرى پىسىقتالۋدا.

ازاماتتىق قورعاۋ جۇيەسىنىڭ كۇشتەرى مەن قۇرالدارىن، باسقارۋ ورگاندارىنىڭ ءىس-قيمىلدارىن پراكتيكالىق ماشىقتاۋ 26–27 اقپاندا «كوكتەم-2019» رەسپۋبليكالىق كوماندالىق-شتابتىق وقۋ-جاتتىعۋ بارىسىندا جۇزەگە اسىرىلاتىن بولادى.

2017 جىلدان باستاپ سۋ تاسقىنى قاۋپىنىڭ الدىن الۋ جانە جويۋ جونىندەگى جول كارتاسى ىسكە اسىرىلۋدا. كارتادا ەلدى مەكەندەردى سۋ باسۋدان قورعاۋدى كوزدەيتىن 637 ءىس-شارا قامتىلعان.ءىس-شارالاردىڭ كوپشىلىگى — 611 جەرگىلىكتى اتقارۋشى ورگانداردىڭ قۇزىرىنا جاتادى. 2 جىلدا 22,5 ملرد تەڭگە سوماسىنا 357 ءىس-شارا ىسكە اسىرىلدى. 174 قورعاۋ بوگەتىن سالۋ جانە نىعايتۋ، 119 گيدروتەحنيكالىق قۇرىلىستى، سۋ وتكىزۋ قابىلەتى جوعارى 64 كوپىردى جوندەۋ جۇمىستارى جۇرگىزىلدى.

ق. قاسىموۆ سۋ قويمالارىندا بوس كولەم قالىپتاستىرۋ ماسەلەلەرىنە كوڭىل ءبولۋ قاجەت ەكەنىن اتاپ ءوتتى. بۇل وزەندەردىڭ قاۋىپسىز دەڭگەيىن رەتتەۋ مۇمكىندىك بەرەدى. بۇدان وزگە، جوسپارلارعا تۇزەتۋلەر ەنگىزىپ، اۆتوموبيل جانە تەمىرجول ۋچاسكەلەرىنىڭ سۋ باسۋدان الدىن الۋ بويىنشا قوسىمشا شارالارىن قابىلداۋ قاجەت.

ءوز كەزەگىندە، يندۋستريا جانە ينفراقۇرىلىمدىق دامۋ ءمينيسترى ج. قاسىمبەك رەسپۋبليكالىق ماڭىزى بار اۆتوموبيل جولدارىن سۋ تاسقىنى كەزەڭىنە دايىنداۋ ماقساتىندا ءىس-شارالار جوسپارى بەكىتىلگەنىن اتاپ ءوتتى. ورتالىق جانە وڭىرلىك دەڭگەيلەردە اۆتوموبيل جولدارى كوميتەتىنىڭ، «قازاۆتوجول» ۇك» اق، «قازاقاۆتوجول» جشس وكىلدەرىنەن، سونداي-اق ولاردىڭ وبلىستىق فيليالدارىنىڭ وكىلدەرىنەن سۋ تاسقىنىنىڭ الدىن الۋ جونىندە كوميسسيالار قۇرىلدى.

بيىلعى 1 اقپاننان باستاپ تاۋلىكتىك كەزەكشىلىك ۇيىمداستىرىلدى جانە كۇن سايىن جولدار مەن جول قۇرىلىستارىن پاترۋلدەۋ جۇرگىزىلىپ، سۋ تاسقىنى قاۋپى بار ۋچاسكەلەر مەن كوپىرلەر باقىلاۋعا الىناتىن بولادى. مۇنداي ۋچاسكەلەرگە قاجەتتى جول تەحنيكاسى بەكىتىلەدى. سۋ تاسقىنى كەزەڭىنە ۋاقىتىلى دايىندىقتى ۇيىمداستىرۋ ءۇشىن بەكىتىلگەن ءىس-شارالار جوسپارىنا سايكەس قاجەتتى جانار-جاعار ماي، جول ماتەريالدارى جانە تەمىربەتوندى كونسترۋكتسيالار قورى قۇرىلىپ جاتىر.

«تەمىر جولداردى جانە جاساندى قۇرىلىمداردى سۋ تاسقىنى كەزەڭىنە ۋاقىتىلى دايىنداۋ ماقساتىندا "قازاقستان تەمىر جولى" ۇك" اق بۇيرىعى بەكىتىلۋدە. پويىزدار ۇزدىكسىز جانە قاۋىپسىز ءجۇرۋى ءۇشىن 1 ناۋرىزعا دەيىن وڭتۇستىك وڭىردە، 15 ناۋرىزعا دەيىن باتىس جانە شىعىس وڭىرلەردە، ال 1 ساۋىرگە دەيىن سولتۇستىك ايماقتا قاجەتتى ماتەريالدار مەن كونسترۋكتسيالار تيەلگەن 42 ارنايى پويىز دايىندالاتىن بولادى»، — دەدى ج. قاسىمبەك.

ەنەرگەتيكا ءمينيسترى ق. بوزىمباەۆ ەلىمىزدىڭ ەنەرگەتيكالىق كاسىپورىندارى سۋ تاسقىنى كەزەڭىنە دايىندىقتى قامتاماسىز ەتۋ ماقساتىندا 2 مىڭنان استام ارنايى تەحنيكامەن جابدىقتالعان جەدەل بريگادالار قۇرعانىن اتاپ ءوتتى. قاپتاعى ينەرتتى ماتەريالدار 56 مىڭ دانا، جانا-جاعارماي قورى 360 مىڭ توننانى قۇرايدى.

2018 جىلى قازگيدرومەتتىڭ گيدرولوگيالىق بولجامداردى ازىرلەۋ جۇيەسىندە تۇبەگەيلى وزگەرىستەر بولدى. قازگيدرومەت 2019 جىلعى 1 ناۋرىزدان باستاپ سينوپتيكالىق بولجامدار نەگىزىندە اپتا سايىن نەگىزگى گيدرولوگيالىق بولجامدار ۇسىناتىن بولادى. وسى بولجامدار گيدرومەتەورولوگيالىق جاعداي كۇرت وزگەرگەن كەزدە، ءاربىر 3 كۇن سايىن ناقتىلانادى.

اۋىل شارۋاشىلىعى مينيسترلىگىنىڭ سۋ رەسۋرستارى كوميتەتىنىڭ توراعاسى ي. ابىشەۆ جوسپارعا سايكەس 2017–2025 جىلدار كەزەڭىندە ورتالىق جانە جەرگىلىكتى اتقارۋشى ورگاندارمەن 288 جوبانى ىسكە اسىرۋ جوسپارلانعانىن، ونىڭ ىشىندە 30 جوبا – رەسپۋبليكالىق بيۋدجەت ەسەبىنەن، 258 جوبا – جەرگىلىكتى بيۋدجەت ەسەبىنەن قارجىلاندىرىلادى.

تاسقىن سۋدىڭ ىقتيمال قاۋىپىن بولدىرماۋ ءۇشىن قۇرىلىس جانە باسقادا ينەرتتىك ماتەريالداردىڭ قورى دايىندالعان، سونداي-اق ءتيىستى تەحنيكا مەن تەتىكتەر دايىندالعان.

«2019 جىلعى كوكتەمگى تاسقىن سۋ كەزەڭىنە دايىندالۋ ماقساتىندا باسسەيندىك ينسپەكتسيالارىمەن توتەنشە جاعدايلار، ەكولوگيا، جەرگىلىكتى اتقارۋشى ورگانداردىڭ جانە «قازسۋشار» رمك فيليالدارى وكىلدەرىنىڭ قۇرامىندا گتق زەرتتەۋ بويىنشا جۇمىس توبى قۇرىلدى. وسى جۇمىس توبى 1136 گيدروتەحنيكالىق قۇرىلىستارعا ۆيزۋالدى زەرتتەۋدى جۇرگىزدى. زەرتتەۋ بارىسىندا 453 گتق جوندەۋدى تالاپ ەتەتىندىگى انىقتالدى»، — دەدى ي. ابىشەۆ.

وڭىرلەردە تۇرعىن ءۇي سەكتورىندا ورتتەردىڭ الدىن الۋ بويىنشا قانداي شارالار قابىلدانىپ جاتقانى تۋرالى جانە الداعى سۋ تاسقىنى كەزەڭىنە دايارلىق تۋرالى شىعىس قازاقستان وبلىسىنىڭ اكىمى د. احمەتوۆ، اقمولا وبلىسىنىڭ اكىمى م. مىرزالين جانە سولتۇستىك قازاقستان وبلىسى اكىمىنىڭ ورىنباسارى ا. ساپاروۆ باياندادى.

تۇپنۇسقا: primeminister.kz

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3513