جۇما, 29 ناۋرىز 2024
2674 2 پىكىر 13 اقپان, 2019 ساعات 11:14

ازات پەرۋاشەۆ: «قازاق تۇلپارى» – ءبىزدىڭ ۇلتتىق برەند

پارلامەنت ءماجىلىسىنىڭ دەپۋتاتى، «اق جول» پارتياسىنىڭ توراعاسى ازات پەرۋاشەۆ قوستاناي وڭىرىنە ساپارى اياسىندا «قازاق تۇلپارى» جىلقى زاۋىتىنا بارىپ، سەرىكتەستىك باسشىلىعىمەن كەزدەستى.

«قازاق تۇلپارى» جشس-نىڭ ديرەكتورى دياس قوڭىرشين اتقارىلعان جۇمىستار جونىندە ايتىپ، الداعى جوسپارلارىمەن ءبولىستى. ونىڭ ايتۋىنشا، كاسىپورىن قوستاناي تۇقىمىن دامىتىپ، ءارى قاراي جەتىلدىرۋ ءۇشىن ينۆەستورلار تاپقان ەكەن، ەندى اۋىل شارۋاشىلىعى مينيسترلىگى اقشالاي قاراجات ءبولۋ جولدارىن قاراستىرۋدا.

«قازاق تۇلپارى» جشس جۇمىسىمەن تانىسقان ازات پەرۋاشەۆقا مەكەمە باسشىسى بىرقاتار ماسەلەلەر مەن كەدەرگىلەر تۋرالى ايتتى.

– بۇعان دەيىن بارلىق جاعداي جاسالىپ كەلگەن ەدى. قارجىلاي كومەك تە كورسەتىلگەن. وكىنىشكە وراي، ونىڭ بارلىعى توقتادى. نەگە؟ ول جاعىنا توقتالعىم كەلمەيدى. اۋىل شارۋاشىلىق سالاسىندا دۇرىس جۇمىس جاسالماعان. بىراق، الەۋەت بار بىزدە. قازىرگى ۋاقىتتا باعدارلاما بويىنشا 3 اسىل تۇقىمدى جىلقىنى ساتىپ الماقپىز،  – دەدى مەكەمە باسشىسى.

ءماجىلىس دەپۋتاتى ءوز كەزەگىندە قازاق جىلقىسىنا تەك سوعىم رەتىندە عانا قاراماۋ كەرەكتىگىن تىلگە تيەك ەتتى.

– قوستاناي جىلقىسى جويىلۋ الدىندا تۇر. نەبارى 20 ملن تەڭگەگە اسىل تۇقىمدى جىلقىلاردى قالاي وسىرۋگە بولادى؟ «قازاق تۇلپارى» – ءبىزدىڭ برەند. وزگە ەلدەردە وسى باعىتتا جۇمىس ىستەيتىن بىلدەي ءبىر مينيسترلىكتەر بار. بىزدە قوستاناي جىلقىسىن ساقتاپ قالۋمەن اينالىسىپ وتىرعان سىزدەر عانا، – دەدى پەرۋاشەۆ.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584