جۇما, 29 ناۋرىز 2024
3047 1 پىكىر 13 اقپان, 2019 ساعات 16:04

الماتىدا 1000-نان استام وتباسىعا 50 ملن. تەڭگە كولەمىندە كومەك كورسەتىلدى

باۋىرجان بايبەك قولداۋعا ءزارۋ كوپبالالى وتباسىلاردىڭ العاشقى جارناسىنىڭ تولەمىن سۋبسيديالاۋ مۇمكىندىكتەرىن قاراستىرۋدى تاپسىردى.

«نۇر وتان» پارتياسى قالالىق فيليالىنىڭ كەزەكتەن تىس كونفەرەنتسياسىندا الماتى اكىمى باۋىرجان بايبەك قۇرامىنا مەملەكەتتىك جاردەماقى، ادرەستىك كومەك، الەۋمەتتىك تولەم، دەمەۋشىلىك كومەك، ەڭبەكپەن قامتۋ جانە باسقالارى ەنگەن قولداۋدىڭ كەشەندى شارالارىن اتاپ ءوتتى.

«قالا جانە اۋدان اكىمدىكتەرى تۇرمىسى تومەن كوپبالالى انالارمەن كەزدەسۋلەر وتكىزدى، اۋداندىق فيليالدار باسشىلارىنىڭ ەسەپتى كەزدەسۋلەرىنەن ۇسىنىستار تۇسۋدە. ساراپتاما تۇرعىن ءۇي ماسەلەسىنىڭ بارىنشا وتكىر تۇرعانىن كورسەتتى. قارجى تاپشىلىعى سالدارىنان ولاردىڭ تۇرعىن ءۇي الۋدىڭ جەڭىلدەتىلگەن باعدارلاماسىنا قاتىسۋعا دا مۇمكىندىكتەرى جوق. سوندىقتان 4 جانە ودان دا كوپ بالالارى بار وتباسىلاردىڭ العاشقى جارناسىنىڭ تولەمىن سۋبسيديالاۋ مۇمكىندىگىن قاراستىرعان ءجون»، - دەدى باۋىرجان بايبەك.

بۇرىندارى مەگاپوليس باسشىسى «باقىتتى وتباسى» اتتى كوپبالالى انالاردىڭ ورتالىعىن قۇرۋدى، مۇندا ولارعا زاڭنامالىق، پسيحولوگيالىق كەڭەستەر مەن رەابيليتاتسيالىق كومەك كورسەتۋدى ۇسىنعان بولاتىن. بۇل ورتالىق ءبىر تەرەزە قاعيداسى بويىنشا جۇمىس جاسايدى جانە كوپبالالى انالار جۇمىسقا ورنالاستىرىلادى.

مەگاپوليس باسشىسى الەۋمەتتىك ءال-اۋقات، ستراتەگيا جانە بيۋدجەت باسقارمالارىنا جانە باسقا دا قۇزىرلى ورگاندارعا ءبىر اپتا ىشىندە وسى ماسەلە بويىنشا جۇمىس جاساۋدى جانە ناقتىلى ۇسىنىستار ايتۋدى تاپسىردى.

ايتا كەتەرلىگى، الماتى بيۋدجەتى الەۋمەتتىك باعىتقا نەگىزدەلگەن جانە حالىقتى الەۋمەتتىك جاعىنان قامتۋعا بولىنەتىن قارجى جىل ساناپ ارتا تۇسۋدە. قازىرگى كەزدە بيۋدجەتتىڭ 50%-دان استامى نەمەسە 200 ملرد. تەڭگەدەن استام قارجى دەنساۋلىق ساقتاۋعا، بىلىمگە، تۇرمىسى تومەن جاندارعا كومەك كورسەتۋگە، كوممۋنالدىق شىعىنداردى سۋبسيديالاۋعا، ءتۇرلى جاردەماقىلاردى تولەۋگە جۇمسالۋدا.

«نۇر وتان» فراكتسياسى ءماسليحاتتا ءتۇرلى الەۋمەتتىك ماسەلەلەردى كوتەرەدى. ولاردىڭ ۇسىنىستارىنىڭ بارلىعى جەرگىلىكتى اتقارۋ ورگاندارىندا وڭ شەشىمىن تاۋىپ، قالادا ىسكە اسۋدا.

مىسالى، 2016 جىلدان باستاپ پارتيا فراكتسياسىنىڭ باستاماسى بويىنشا بالا باقشالار تولەمدەرى 27 دەن 15 مىڭعا ازايدى. بۇل ماقسات ءۇشىن بيۋدجەتتەن جىل سايىن 3 ملرد. تەڭگەدەن استام قارجى بولىنەدى، مۇندا 60 مىڭ وتباسى قامتىلعان. سوڭعى ءتورت جىل ىشىندە مەملەكەتتىك تاپسىرىس ەسەبىنەن بالا  باقشاداعى ورىندار سانى 3 ەسە ارتتى نەمەسە 4,7 مىڭنان 15,5 مىڭعا ءوستى. جالپى، بالا باقشا ورىندارىن سۋبسيديالاۋ ءۇشىن جىل سايىن 18 ملرد. تەڭگەدەن استام قارجى بولىنەدى. بۇل تسيفر ءۇش جىل ىشىندە 2 ەسە ءوستى.

تۇرمىسى تومەن كوپبالالى وتباسىلاردىڭ 11 سىنىپقا دەيىنگى بالالارى تەگىن تاماقتانادى جانە ولارعا مەكتەپ فورماسى تەگىن بەرىلەدى. مۇنداي قاجەتتىلىكتەرگە جىل سايىن 800 ملن. تەڭگەدەن استام قارجى بولىنۋدە. كوپبالالى وتباسىلاردىڭ 4 مىڭنان استام بالالارىنىڭ تەگىن دەمالىسىن ۇيىمداستىرۋعا جىل سايىن 230 ملن. تەڭگە قاراستىرىلعان.

بۇلاردان وزگە، سوڭعى 4 جىل ىشىندە پارتيا ۇسىنىسى بويىنشا كوپبالالى وتباسىلاردىڭ مۇشەلەرى، مەكتەپ، كوللەدج وقۋشىلارى جوو ستۋدەنتتەرى مەن زەينەتكەرلەر جولاقىنىڭ جەڭىلدەتىلگەن 50 پايىزىن عانا تولەيدى، بۇعان جىل سايىن 5 ملرد تەڭگەدەن استام قارجى جۇمسالادى. جەڭىلدىكپەن 350 مىڭنان استام ادام قامتىلعان.

پارتيا باستاماسى بويىنشا ءتۇرلى وتەماقىلار بەرىلەدى. مىسالى، 2,3 مىڭ وتباسىنىڭ، ونىڭ ىشىندە كوپبالالى انالاردىڭ كوممۋنالدىق شىعىندارى ءوندىرىلدى. وسى كاتەگورياداعىلاردىڭ ۇيلەرىنە ەسەپتەگىش كوممۋنالدىق قوندىرعىلاردى ورناتۋ شىعىنى وتەلۋدە. بۇگىنگى كۇنى 1000-نان استام وتباسىعا 50 ملن. تەڭگەدەن استام قارجىلاي كومەك كورسەتىلدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616