ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى ب. ساعىنتاەۆ پرەزيدەنت ن. نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن ىسكە اسىرۋ اياسىندا اۋىلدىق اۋماقتاردىڭ الەۋمەتتىك ورتاسىن جاڭعىرتۋ ماسەلەلەرى جونىندە جۇمىس كەڭەسىن وتكىزدى.

كەڭەس بارىسىندا اۋىلدىق ەلدى مەكەندەردەگى حالىقتىڭ تۇرمىس ساپاسىن ارتتىرۋدى كوزدەيتىن «اۋىل – ەل بەسىگى» جوباسى تالقىلاندى. اتاپ ايتقاندا، ەكونوميكا مەن وندىرىستىك سەكتوردى، ينجەنەرلىك ينفراقۇرىلىم مەن كوممۋنيكاتسيالاردى، ەنەرگەتيكا مەن ەكولوگيانى، قاۋىپسىزدىكتى، ءونىمدى جۇمىسپەن قامتۋدى دامىتۋ، سونىڭ ىشىندە اۋىلدىق جەرلەردە شاعىن جانە ورتا بيزنەستىڭ وسۋىنە جاعداي جاساۋ، سونداي-اق، جاستاردى اۋىلدىق اۋماقتار مەن اگروبيزنەستى دامىتۋعا تارتۋ ماسەلەلەرى كوتەرىلدى.

كورسەتىلگەن شارالاردى وڭىرلەردى دامىتۋدىڭ 2020 جىلعا دەيىنگى ارەكەت ەتىپ تۇرعان مەملەكەتتىك باعدارلاماسى نەگىزىندە ىسكە اسىرۋ كوزدەلگەن. ماسەلەلەردى تالقىلاۋ بارىسىندا ۇلتتىق ەكونوميكا، يندۋستريا جانە ينفراقۇرىلىمدىق دامۋ، اۋىل شارۋاشىلىعى مينيسترلىكتەرىنىڭ جانە وبلىس اكىمدەرىنىڭ زاماناۋي تۇرمىس ساپاسى ستاندارتتارىنا سايكەس الەۋمەتتىك-ەكونوميكالىق ينفراقۇرىلىمدى جاڭعىرتۋ جونىندەگى تاسىلدەرى قارالدى.

سونىمەن قاتار، كەڭەس بارىسىندا مادەنيەت جانە سپورت مينيسترلىگىنىڭ ءتۋريزمدى باسقارۋ جۇيەسىن ودان ءارى دامىتۋ اياسىنداعى ۇسىنىستارى تىڭدالدى.

قر پرەمەر-ءمينيسترى باقىتجان ساعىنتاەۆ كەڭەس قورىتىندىسى بويىنشا ءتيىستى مەملەكەتتىك ورگاندارعا تالقىلانعان ماسەلەلەرگە قاتىستى جۇمىستى جالعاستىرىپ، بارلىق ايتىلعان ۇسىنىستاردى ەگجەي-تەگجەيلى پىسىقتاۋدى تاپسىردى.

تۇپنۇسقا: primeminister.kz

Abai.kz