استانادا قالا اكىمى باحىت سۇلتانوۆتىڭ توراعالىعىمەن قالا تۇرعىندارىنىڭ ءومىر ءسۇرۋ ساپاسىن جاقسارتۋ جونىندەگى جۇمىس توبىنىڭ وتىرىسى ءوتتى.

«سوڭعى ۋاقىتتا اۋداندىق اكىمدىكتەر مەن سالالىق باسقارمالار ازاماتتاردى قابىلداۋ جۇمىستارىن جۇرگىزدى. ناتيجەسىندە قالامەن ەرەكشە مۇقتاج وتباسىلاردىڭ دەرەكتەر بازاسى جاسالدى، ولاردىڭ ارقايسىسىنىڭ پورترەتىن تۇسىنەمىز، ناقتى قاجەتتىلىكتەر مەن پروبلەمالاردى كورىپ وتىرمىز. ءبىرىنشى كەزەڭدە ازىق-تۇلىك، كومىر، مەكتەپ كەرەك-جاراقتارىمەن قامتىلىپ، اقپاراتتىق-ءتۇسىندىرۋ كەڭەستەرى وتكىزىلدى. دەمەۋشىلەر مەن ەرىكتىلەر تاراپىنان اۋدان اكىمدىكتەرىنىڭ «ۋاقىتشا تۇراق» دەپ اتالاتىن جانە جەكەمەنشىك ءۇي قۇرىلىستارىندا گاز تالداعىشتاردى ورناتۋ جونىندەگى باستاماسىمەن ۇلكەن قولداۋ كورسەتىلدى. ءاربىر وتباسىن قولداۋ بويىنشا جەكە شارالار جوسپارى ازىرلەندى»، - دەپ اتاپ ءوتتى باقىت سۇلتانوۆ.

ازاماتتاردى قابىلداۋ كەزىندە كوتەرىلگەن ماسەلەلەردىڭ بىرەگەيى - تۇرعىن ءۇيدىڭ قولجەتىمدىلىگى.

«اسقار كەمەڭگەرۇلى، سىزگە توزىعى جەتكەن جانە اۆاريالىق تۇرعىن ۇيلەردى بۇزۋ جانە ۇلەسكەرلەرگە كومەك كورسەتۋ ءۇشىن قۇرىلعان ينستيتۋتتاردى بىرىكتىرۋ ەسەبىنەن قوسىمشا رەسۋرستار ىزدەستىرۋدى تاپسىرامىن (انىقتاما رەتىندە: «ەلوردا دامۋ» جشس - «نۇرلى جەر» تۇرعىن ءۇي قۇرىلىسى باعدارلاماسى مەن اۆاريالىق تۇرعىن ۇيلەردى بۇزۋ جوباسى شەڭبەرىندە جوبالاردى ىسكە اسىرادى، «ەلوردا قۇرىلىس» جشس - پروبلەمالى نىسانداردىڭ قۇرىلىسىن اياقتاۋدى ۇيىمداستىرۋمەن اينالىسادى، سونداي-اق «نۇرلى جەر» تۇرعىن ءۇي قۇرىلىسى باعدارلاماسىنا سايكەس جاڭا تۇرعىن ءۇي كەشەندەرىنىڭ قۇرىلىسىنا قاتىسادى). وسى ەكى باعىت بويىنشا مىسالعا كەلتىرە وتىرىپ، بيۋدجەت قاراجاتىن تاۋىپ، شەت ايماقتاردى توتەنشە جانە اپاتتى ۇيلەردى بۇزۋ باعدارلاماسىنا قوسۋ كەرەك. مۇمكىن، استانانىڭ شەتىندە ورنالاسقان قازىرگى جوندەۋ باعدارلاماسىنا قوسىمشا جاساۋ ارقىلى. ءبىز از قامتىلعان جانە اسىرەسە از قامتىلعان وتباسىلاردى، سونىڭ ىشىندە كومەككە مۇقتاج وتباسىلاردى مۋنيتسيپالدىق تۇرعىن ۇيمەن قامتاماسىز ەتۋىمىز كەرەك»، - دەدى قالا اكىمى.

«سونىمەن بىرگە، ءبىز حالىقتىڭ الەۋمەتتىك وسال توپتارى ءۇشىن مۋنيتسيپالدىق جالعا بەرىلەتىن تۇرعىن ۇيگە قولجەتىمدىلىك ماسەلەسى وتكىر تۇرعانىن تۇسىنەمىز. ازاماتتاردىڭ تابىسى پاتەر الۋعا نەسيە الۋ ءۇشىن جەتكىلىكسىز. سوندىقتان دا ءبىز بۇگىن قالالىقتاردىڭ ۋاقىتشا تۇراقتار، جاتاقحانالار نەمەسە زاڭسىز قۇرىلىستاردا تۇرىپ جاتقانىن كورەمىز»، - دەدى ول.

اكىم «جۇمىسپەن قامتۋدىڭ جول كارتاسى»، «بيزنەستىڭ جول كارتاسى» باعدارلامالارىنىڭ مۇمكىندىكتەرىن پايدالانا وتىرىپ، قيىندىقتارعا تاپ بولعان ءاربىر وتباسىعا الەۋمەتتىك قولداۋ مەن اتاۋلى الەۋمەتتىك كومەك كورسەتۋدى تاپسىردى.

سونىمەن قاتار، ول قالالىقتاردىڭ تولەم قابىلەتتىلىگىن ارتتىرۋ قاجەتتىگىنە باسا نازار اۋداردى.

«ماليكا ەرلانقىزى، كوپبالالى وتباسى مۇشەلەرىن جوعارى اقى تولەنەتىن جۇمىسپەن قامتاماسىز ەتۋ مۇمكىندىگىن قاراستىرۋدى تاپسىرامىن. ءبىلىمى جەتكىلىكسىز بولعان جاعدايدا، بىلىكتىلىگىن ارتتىرۋدى قامتاماسىز ەتۋ قاجەت. سونداي-اق، قولدا بار اقپاراتتىڭ نەگىزىندە كومەك كورسەتۋ ءۇشىن رەسۋرستاردى جۇمىلدىرۋ الگوريتمىن جاساۋدى تاپسىرامىن. تۇرعىن ءۇي سەرتيفيكاتتارىن تاپسىرۋ مۇمكىندىگىن قوسا العاندا»، - دەدى باقىت سۇلتانوۆ.

اۋدان اكىمدەرىنە اكىمدىك باسقارمالارىنىڭ باسشىلارىمەن بىرگە قالا باسشىسى بۇرىن جاريالانعان «اشىق ەسىك اپتالىعى» اياسىندا ازاماتتارمەن جەكە كەزدەسۋلەردى جالعاستىرۋدى تاپسىردى.

«كوپبالالى وتباسىلار مەن باسقا دا ازاماتتار ايتقان بارلىق وتىنىمدەر مەن وتىنىشتەردى جەدەل جۇيەلەۋ، تالداۋ جانە جۇمىس توبىنىڭ قاراۋىنا ۇكىمەتكە جولداۋ قاجەت»، - دەپ مالىمدەدى اكىم.

انىقتاما: سوڭعى مالىمەتتەر بويىنشا، بۇگىنگى تاڭدا استانادا 4 جانە ودان دا كوپبالا تاربيەلەپ وتىرعان 10095 وتباسى تۇرادى.

دەرەككوز: قازاقپارات

Abai.kz