بۇگىن ماجىلىستە ۇكىمەتتىك ەمەس ۇيىم وكىلدەرى، قوعامدىق ۇيىم مۇشەلەرى اۋىلشارۋاشىلىعى جەرلەرىن پايدالانۋعا بايلانىستى ءوز ۇسىنىستارىن جەتكىزدى. ول ۇسىنىستار «جەر رەسۋرستارىن ۇتىمدى پايدالانۋدىڭ وزەكتى ماسەلەلەرى» تاقىرىبىندا وتكەن دوڭگەلەك ۇستەل بارىسىندا ايتىلدى. 

شارا بارىسىندا مۇحتار تايجان بىرقاتار ۇسىنىستارىن جەتكىزدى. قوعام قايراتكەرىنىڭ ايتۋىنشا، جەرگە مەملەكەتتىك مەنشىكتى ساقتاي وتىرىپ، اۋىلشارۋاشىلىعى جەرلەرىن جالعا بەرۋ ينستيتۋتىن جەتىلدىرۋ. وسى رەتتە جالعا بەرۋ قۇقىعى اشىق ەلەكتروندىق تۇردە تەك قانا قازاقستان ازاماتتارىنىڭ اراسىندا جانە تەك قانا قازاقستاندىق زاڭدى تۇلعالارمەن جۇزەگە اسىرىلۋعا ءتيىس.

سونىمەن قاتار، م.تايجان اۋىلشارۋاشىلىعى ونىمدەرىن وندىرۋشىلەر تولەپ وتىرعان، قولدانىستاعى بىرنەشە سالىق تۇرلەرىن بىرىكتىرەتىن،بىرىڭعاي سالىق ءتۇرىن ەنگىزۋدى ۇسىندى.

بۇگىنگى كۇنى پايدالانىلماي تۇرعان اۋىلشارۋشىلىعى جەرلەرىنە ازداعان سالىق سالىنادى. ال، جۇمىس ىستەپ تۇرعان اۋىلشارۋاشىلىعى كاسىپورىنىنا 7 قوسىمشا سالىق قارالعان. ەگەر بىرىڭعاي اگرارلىق سالىق ءتۇرى ەنگىزىلسە ول ونىڭ بوس تۇرماي، جۇمىس ىستەۋىنە جول اشاتىن بولادى.

سونداي-اق، جەردى پايدالانۋدىڭ بارلىق پروتسەستەرىنە قاتاڭ باقىلاۋ جاساۋ ءۇشىن عارىشتان مونيتورينگ جاساۋدى زاڭداستىرۋ ۇسىنىلدى.

م. تايجاننىڭ پىكىرىنشە، اۋىلشارۋاشىلىعى جەرلەرىن كوپجىلدىق جانە سەنىمسىز بانكتىك كەپىلدىكتەردەن شىعارۋ ماسەلەسى دە زاڭ تۇرعىسىنان شەشىمىن تابۋى قاجەت.

ء(ماجىلىستىڭ ءباسپاسوز قىزمەتى، 74-68-44)

Abai.kz