توتەنشە جاعدايلار قىزمەتىنىڭ مالىمەتىنشە، سەنبى كۇنى كەشكە جاڭاقۇرىلىس كوشەسىندەگى جەكە تۇرعىن ۇيدە ءورت شىققان كەزدە ونىڭ ىشىندە ءۇش بالا عانا بولعان. بالالاردىڭ ۇلكەنى كورشىلەرىنەن كومەك سۇراپ بارعان. كورشى ءۇيدىڭ 13 جاسار ۇلى ءورت سوندىرۋشىلەر كەلىپ جەتكەنشە الگى ۇيدەن ءۇش جانە بەس جاستاعى ەكى بالانى سىرتقا الىپ شىققان. اۋماعى 60 شارشى مەترلىك تۇرعىن ءۇي تۇگەلدەي جانىپ كەتكەن.
ارنايى قىزمەت ءورتتى ەكى ساعاتتان كەيىن سوندىرگەن. ءورت شىققان ۇيدەن قۇتقارىلعان بالالاردىڭ جاعدايى قالىپتى دەپ حابارلاندى.
ءورتتىڭ نەدەن شىققانى ازىرگە بەلگىسىز.
Abai.kz
