2016 جىلى ساندەرس دەموكراتيالىق پارتيا اتىنان پرەزيدەنتتىك كامپانياعا قاتىسقان. بىراق رەسپۋبليكاشىل دونالد ترامپتان جەڭىلگەن حيللاري كلينتونعا جولىن بەرگەن.

ۆەرمونت راديوسىنا بەرگەن سۇقباتىندا ساندەرس ەڭ ءبىرىنشى كەزەكتە ترامپتى اۋىستىرعىسى كەلەتىنىن ايتقان. سەناتور قازىرگى پرەزيدەنتتى ەلدى ۇياتقا قالدىرىپ وتىرعان وتىرىكشى دەپ اتادى. ول مۇنان بولەك 2016 جىلى سايلاۋ الدىندا جاريالاعان باعدارلاماسىن جۇزەگە اسىرعىسى كەلەدى.

ساندەرس دەنساۋلىق ساقتاۋ جۇيەسىنىڭ قول جەتىمدى بولۋىن، ەڭ تومەنگى ەڭبەك اقىسىن كوتەرۋدى جانە ميگراتسيالىق ساياساتقا رەفورما جاساۋدى ۇسىنعان.

ساندەرس دەموكراتيالىق پارتيانىڭ مۇشەسى ەمەس، ول ءوزىن تاۋەلسىزبىن دەپ ەسەپتەيدى.

اقش-تا كەلەسى پرەزيدەنت سايلاۋى 2020 جىلدىڭ 3 قاراشاسىندا وتەدى.

رەسپۋبليكاشىلدار اتىنان پرايمەريزگە قازىرگى پرەزيدەنت دونالد ترامپ، سونىمەن بىرگە ماسساچۋسەتس گۋبەرناتورى ۋيليام ۋەلد قاتىسۋى مۇمكىن. ال دەموكراتتار اتىنان پرايمەريزگە نيۋ-دجەرسيدەن سايلانعان سەناتور كوري بۋكەر، كونگرەستەگى گاۆاي وكىلى تۋلسي گاببارد، سونىمەن بىرگە كاليفورنيادان سايلانعان سەناتور كامالا حارريس پەن ماسساچۋسەتستەن ەليزابەت ۋوررەن قاتىسپاق.

Abai.kz