اقش پرەزيدەنتى دونالد ترامپ بەيسەنبى كۇنى تۇركيا پرەزيلەنتى رەجەپ ەردوعانمەن تەلەفون ارقىلى سويلەسكەن سوڭ، وسىنداي شەشىم قابىلداعانىن جاريالاعان. سوعان بايلانىستى اقش-ىڭ حالىقارالىق كواليتسيا قۇرامىنا كىرەتىن ەۋروپالىق وداقتاستارى دا جۇزدەگەن جاۋىنگەرىن سيريادا قالدىرا الادى.
ازىرگە 200 امەريكالىق جاۋىنگەردىڭ سيريادا ناقتى قانشا ۋاقىتقا قالاتىنى، قايدا ورنالاساتىنى بەلگىسىز.
اقش پرەزيدەنتى امەريكالىق اسكەردىڭ سيريادان شىعارىلاتىنىن وتكەن جىلدىڭ سوڭىندا جاريالادى. ترامپ شەشىمىنە نارازى بولعان قورعانىس ءمينيسترى دجەيمس مەتتيس وتستاۆكاعا كەتتى، پەنتاگونداعى بىرقاتار شەنەۋنىك سونىمەن بىرگە كەتتى.
ترامپ باسەكەلەستەرى امەريكالىق اسكەردىڭ بىردەن شىعارىلۋىنان سيريانىڭ سولتۇستىگىندەگى كۇرد قارۋلى كۇشتەرىنە قاۋىپ تونەدى. تۇركيا ولاردى تەرروريزمدى قولدادى دەپ ايىپتاپ، جەرگىلىكتى كۇردتەرگە قارسى اسكەري وپەراتسيا باستاۋعا دايىن ەكەنىن بىرنەشە مارتە مالىمدەگەن.
Abai.kz
