جۇما, 29 ناۋرىز 2024
اراشا 4081 7 پىكىر 25 اقپان, 2019 ساعات 09:24

قىتايداعى وزگە ەتنوستاردىڭ ەمەس، ءوز انالارىمىزدىڭ جايىن كۇيتتەۋ كەرەك

شىن پاتريوت  بولساڭ، الدىمەن  انالار ماسەلەسىمەن اينالىس!

1. ەلدى ەكىگە ايىرعان  قىتايداعى ەتنيكالىق قازاقتار ماسەلەسى جانە Cايراگۇل ءىسى جايىندا ءار ءتۇرلى وسەك ايتىپ، انانى-مىنانى جامانداپ كۇنالى بولعانشا، الدىمەن سەنى ومىرگە اكەلگەن، ءجانناتتىڭ كىلتى بولىپ تابىلاتىن انالار ماسەلەسىن كوتەرىپ، ساۋاپ جينا!

2.  فەيسبۋكتا وتىرىپ، دالباسا پوستتارعا، پىكىر جازىپ جالعان ويشىل، وتىرىك باتىر بولعانشا، ەلىمىزدە ابدەن قوردالانىپ، ونىڭ ارتى ۇلكەن الەۋمەتتىك داۋعا اكەلگەن انالار ماسەلەسىن كوتەرىپ، حالقىنىڭ شىنايى پاتريوتى بول!

3. بولمايتىن ىسكە التىن  ۋاقىتىندى الىپ، ەش ءمان-ماعىناسى، بەرەر تاربيەسى جوق پوستقا پىكىر جازىپ،  اقىلگوي داناسىماق بولعانشا، قازاعىمنىڭ نامىسىن جوعارى ۇستايتىن، ەلىمىزدىڭ بولاشاق عالىمدارىن، دانالارىن، سپورتشىلارى مەن باتىرلارىن ومىرگە اكەلەتىن انالارعا كونستيتۋتسيالىق قۇقىقتارىن ءتۇسىندىر، ءوزىنىڭ قيىن ماسەلەسى بويىنشا كىمگە، قالاي ارىز جازاتىنىن كورسەت، باعىت-باعدار بەر!

4. اكىمدەردىڭ ادەمى سوزىنە سەنبەي، ءوز وڭىرىندە، قالاڭدا، اۋىلدا "انا مەن بالا" ماسەلەسى تۋرالى تاۋەلسىز كوميسسيا ارقىلى تولىق مالىمەت، دالەلدى دەرەكتەر جيناقتاپ، ولاردى جەرگىلىكتى اكىم-باسشىلارعا ۇسىن!

5. ءوز تۇراتىن جەرىندەگى  اشىنعان انالاردىڭ جاعدايىن ءوز كوزىڭمەن كورۋ ءۇشىن ۇيىنە بار!  انانىڭ جانايقايىن ءوز قۇلاعىڭمەن تىڭدا، ورنىنا ءوز اناڭدى قويىپ، كوز الدىڭا ەلەستەت، جۇرەگىڭمەن سەزىن!

6. قولىندا ارتىق اقشاڭ بولسا، ونى باسقاعا جۇمساماي،  جاعدايىڭ جەتسە ساۋاپتى ىسكە، ياعني، كوپ بالالى انالارعا پاتەر الىپ بەرۋگە، قارجىلاي قولداۋعا كومەگىڭدى بەر! ەڭ بولسا مورالدىق قولداپ، زاڭدىق كەڭەس بەرىپ، انالىق اق باتاسىن، پەرىشتە بۇلدىرشىندەردىڭ ريزاشىلىعىن ال!

7. ودان كەيىن ساياسي  مادەنيەتىڭ جانە زاڭدىق ساۋاتىڭ جەتسە عانا، ءىستى ۋشىقتىرماي، تاۋەلسىزدىگىمىزگە نۇقسان كەلەتىن جالعان اقپاراتتار ارقىلى ارانداتپاي قىتايداعى قىسىمشىلىق كورىپ جاتىرعان تەك قانا ەتنيكالىق قازاقتار ماسەلەسىمەن اينالىس! ازاماتتىق ۇستانىمىڭدى كورسەتىپ، دالەلدى وي-پىكىرىڭدى اشىق جاز، قولداپ ءۇنىڭدى قوس!  ال، قىتايداعى قىسىم كورىپ جاتقان وزگە ەتنوستار ءوز ماسەلەلەرىن وزدەرى شەشەر!

تالعات قاتاۋوۆ، قوعام قايراتكەرى

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563