سولتۇستىك قازاقستان وبلىسىندا ەڭبەكاقىنى ۋاقىتىندا تولەمەۋ فاكتىلەرى جيىلەپ كەتتى. جەرگىلىكتى باقىلاۋشى ورگان وسىنداي مالىمەت تاراتىپ وتىر.
سوڭعى اقپاراتتارعا سۇيەنسەك،  وڭىردەگى كاسىپورىندار  جۇمىسشىلارىنا 72 ميلليون 172 مىڭ تەڭگە بەرەشەك ەكەن. قارىزدارىن قايتارماي وتىرعانداردىڭ دەنى اۋىل شارۋاشىلىعى سالاسىنداعى كاسىپورىندار. مىسالى، «ترانساۆتو» جشس 28 ميلليون 687 مىڭ تەڭگە جالاقىنى بەرمەي وتىر. وبلىس اكىمىنىڭ ءبىرىنشى ورىنباسارى جانبولات سمايىلوۆ بەرەشەك فيرمالاردىڭ باسشىلارىن جيناپ، قارىزدى قايتارماعان جاعدايدا قاتاڭ شارالار قولدانىلاتىنىن ەسكەرتتى. ال جۇمىس بەرۋشىلەر ءبىر سىلتاۋ تاۋىپ العان – بارىنە قارجى داعدارىسى كىنالى. دەگەنمەن، داعدارىس دەپ اتالعان كاسىپورىندار جۇمىس ىستەۋىن توقتاتقان ەمەس. جۇمىس ءجۇرىپ جاتىر، ياعني، پايدا دا تۇسۋدە. سوندىقتان ەڭبەكاقىنى نە سەبەپتى ۋاقىتىندا تولەمەي وتىرعاندارى تۇسىنىكسىز.

سولتۇستىك قازاقستان وبلىسىندا ەڭبەكاقىنى ۋاقىتىندا تولەمەۋ فاكتىلەرى جيىلەپ كەتتى. جەرگىلىكتى باقىلاۋشى ورگان وسىنداي مالىمەت تاراتىپ وتىر.
سوڭعى اقپاراتتارعا سۇيەنسەك،  وڭىردەگى كاسىپورىندار  جۇمىسشىلارىنا 72 ميلليون 172 مىڭ تەڭگە بەرەشەك ەكەن. قارىزدارىن قايتارماي وتىرعانداردىڭ دەنى اۋىل شارۋاشىلىعى سالاسىنداعى كاسىپورىندار. مىسالى، «ترانساۆتو» جشس 28 ميلليون 687 مىڭ تەڭگە جالاقىنى بەرمەي وتىر. وبلىس اكىمىنىڭ ءبىرىنشى ورىنباسارى جانبولات سمايىلوۆ بەرەشەك فيرمالاردىڭ باسشىلارىن جيناپ، قارىزدى قايتارماعان جاعدايدا قاتاڭ شارالار قولدانىلاتىنىن ەسكەرتتى. ال جۇمىس بەرۋشىلەر ءبىر سىلتاۋ تاۋىپ العان – بارىنە قارجى داعدارىسى كىنالى. دەگەنمەن، داعدارىس دەپ اتالعان كاسىپورىندار جۇمىس ىستەۋىن توقتاتقان ەمەس. جۇمىس ءجۇرىپ جاتىر، ياعني، پايدا دا تۇسۋدە. سوندىقتان ەڭبەكاقىنى نە سەبەپتى ۋاقىتىندا تولەمەي وتىرعاندارى تۇسىنىكسىز.
قىزىلجاردا ورتاشا جالاقى 40 مىڭنىڭ ار جاق، بەر جاعىندا. ال رەسپۋبليكا بويىنشا بۇل كورسەتكىش 60 مىڭ تەڭگەنىڭ ۇستىندە. بىراق، ەڭبەككەرلەردىڭ ءبارىنىڭ جالاقىلارى بىردەي ەمەس. مەملەكەتتىك ينسپەكتورلار جۇرگىزگەن تەكسەرىستەر بارىسىندا ەڭ تومەنگى جالاقىدان دا تومەن اقشا تولەگەن كاسىپورىندار انىقتالىپتى. مىسالى، «كيەۆسكي سەۆەر» سەرىكتەستىگىندەگى جۇمىسشىلاردىڭ جالاقىسى 13 مىڭ تەڭگە عانا.  ال «بوگۆي» سەرىستەستىگى 11 تەڭگە بەلگىلەپتى. اۋىلدىقتار باسقا جۇمىس بولماعان سوڭ، وسىنداي فيرمالارعا تيىن-تەبەنگە جالدانۋعا ءماجبۇر. قازىرگىدەي قىمباتشىلىق زاماندا بۇل العاندارى شاي-تۇزىنان اسپايتىنى ايتپاسا دا بەلگىلى.

سولتۇستىك قازاقستان وبلىسى