كوەن سونىمەن بىرگە ء"وزىنىڭ وتباسىن ترامپتىڭ قورقىتۋىنان قورعاۋ ءۇشىن" كونگرەسكە كەلىپ، كۋالىك ەتىپ جاتقانىن ايتتى.
"مەن ترامپپەن جۇمىس ىستەۋگە كەلىسىم بەرگەنىم ءۇشىن وكىنەمىن. مەن ار-نامىسىمنان اتتاپ، ترامپتىڭ زاڭسىز ارەكەتتەرىن "جاپقانىم" ءۇشىن قاتتى ۇيالامىن. ترامپ – ءناسىلشىل، الاياق جانە وتىرىكشى. مەن كونگرەسس مۇشەلەرى الدىندا كەشىرىم سۇراعىم كەلەدى. مەن وتكەن جولى ترامپ ءىسى تۋرالى ايتقاندا، سىزدەرگە وتىرىك ايتتىم. مەن ەندى شىندىقتى ايتىپ تۇرمىن", - دەدى ترامپتىڭ بۇرىنعى زاڭگەرى.
"ول قاراناسىلدى ادامدار وزىنە ەشقاشان داۋىس بەرمەيدى، سەبەبى ولار توپاستار دەپ ايتتى ءبىر سوزىندە", – دەيدى كوەن ترامپپەن اڭگىمەسىن ەسكە الىپ.
كوەن كونگرەستە ترامپتىڭ وتىرىگى تۋرالى ەكى ەپيزودقا قاتىستى ايتتى:
- ترامپ دەموكراتيالىق كوميتەتتىڭ (اقش دەموكراتيالىق پارتياسىنىڭ اتقارۋشى ورگانى) سەرۆەرى بۇزىلاتىنىن الدىن الا بىلگەن جانە دەموكراتيالىق پارتيا باسشىلىعىنىڭ ءوزارا جازىسقان حاتتارى Wikileaks-كە جاريالاناتىنىن بىلگەن;
- ترامپ ماسكەۋدە Trump Tower قۇرىلىسىن جەكە ءوزى باقىلاۋىنا العان ءارى بۇل اقش پرەزيدەنتتىگىنە سايلاۋ كامپانياسى باستالعان كەزدە جۇرگەن.
كوەن وسىعان دەيىن كونگرەستە ماسكەۋدەگى كەلىسسوزدەر جايىندا كۋالىك بەرگەن. بىراق ول كەزدە ترامپقا قاتىستى شىندىقتى ايتا الماعانىن جەتكىزگەن. ەندى بۇل جولى ول "ميستەر ترامپ ماعان تىكەلەي وتىرىك ايتۋعا تاپسىرما بەرمەدى. ول باسقاشا ارەكەت ەتەدى. ول [ترامپ] مەنىڭ كوزىمە قاراپ، رەسەيدە ەشقانداي بيزنەسى جوق ەكەنىن ايتتى. ول وسىلايشا ماعان كونگرەسس الدىندا وتىرىك ايتۋىمدى نۇسقادى", –دەدى.
كوەن سونىمەن بىرگە ترامپتىڭ ۇلتتىق دەموكراتيالىق كوميتەتتىڭ (DNC) جانە دەموكراتيالىق پارتيا سەرۆەرىنىڭ بۇزىلاتىنىن الدىن الا بىلگەنىن جەتكىزگەن. سەرۆەر 2016 جىلدىڭ 22 شىلدەسىندە بۇزىلعان.
ونىڭ بولجامى بويىنشا، دەموكراتيالىق پارتيا باسشىلىعىنىڭ ءوزارا جازىسقان حاتتارى جاريالاناردان بۇرىن ترامپ ءوزىنىڭ سايلاۋالدى شتباىنىڭ مۇشەسى رودجەر ستوۋننان اقپارات العان.
ول بولاشاق پرەزيدەنتكە WikiLeaks نەگىزىن قالاۋشى دجۋليان اسسانجبەن سويلەسكەنىن، ول ءبىر-ەكى كۇننىڭ ىشىندە دەموكراتتاردىڭ بەدەلىنە نۇقسان كەلەتىن ماتەريالدار جاريالاناتىنىن جەتكىزگەن.
ترامپتىڭ ءوزى مۇنى تەرىسكە شىعارىپ كەلگەن. ميۋللەر توبى سەرۆەر رەسەيلىك حاكەرلەردىڭ قاتىسۋىمەن بۇزىلعان دەپ سانايدى. ال بۇل ترامپ پەن رەسپۋبليكاشىلدار پارتياسىنا ءتيىمدى بولعان.
2018 جىلدىڭ جەلتوقسان ايىندا ترامپتىڭ بۇرىنعى زاڭگەرى مايكل كوەن كونگرەستە وتىرىك سويلەگەنى ءۇشىن جانە ونىڭ قاتىسۋىمەن ترامپپەن سەكسۋالدىق قارىم-قاتىناستا بولعان بىرنەشە ايەلگە اقشا تولەگەنى ءۇشىن (پورنوجۇلدىز ستورمي دەنيەلس پەن Playboy-دىڭ بۇرىنعى مودەلى كارەن ماكدۋگال) ءۇش جىلعا سوتتالعان.
كوەننىڭ كونگرەستە سويلەگەن سوزىنەن كەيىن ترامپ تۆيتتەرگە كوەن ء–وزىنىڭ قۇقىعىن قورعاعان كوپتەگەن زاڭگەرلەردىڭ تەك ءبىرى ەكەنىن، ول تۇرمە جازاسىن ازايتۋ ءۇشىن وتىرىك ايتقانىن جازدى.
پرەزيدەنت سونىمەن بىرگە زاڭگەردىڭ "وتىرىك ايتقانى ءۇشىن ءارى الاياقتىعى ءۇشىن" جاقىندا عانا ادۆوكاتتىق بەدەلىنەن ايىرىلعانىن ايتىپ، "ول ترامپقا ەش قاتىسى جوق جامان ارەكەتتەر جاسادى", - دەگەن اقش پرەزيدەنتى.
Abai.kz
