پرەزيدەنت ن.نازارباەۆتىڭ “پرەزيدەنتتىڭ بەس الەۋمەتتىك باستاماسى” اتتى حالىققا ۇندەۋىنىڭ ءۇشىنشى باعىتىندا  - «ستۋدەنت جاستاردىڭ جاتاقحاناداعى جاعدايىن جاقسارتۋ» تۋرالى ايتقان بولاتىن. مەملەكەت باسشىسىگىڭ وسى باستاماسىنا سايكەس، وڭىرلەردە ءتۇرلى شارالار قولعا الىنىپ جاتىر.

ماسەلەن، بيىل تۇركىستان وبلىسىندا جوعارعى وقۋ ورىندارى جانە ورتا ارناۋلى كاسىپتىك كوللەدج ستۋدەنتتەرىن جاتاقحانامەن قامتۋ ماسەلەسى شەشىمىن تاپپاق.

بۇگىندە وڭىردە 153 مىڭ استام ستۋدەنت ءبىلىم الۋدا. سولاردىڭ 11 330 ى جاتاقحانا ورنىن قاجەت ەتەدى، ياعني، 28 جاڭا جاتاقحانا قۇرىلىسىن سالۋ قاجەت.

ونىڭ ىشىندە جوعارى وقۋ ورىندارى ستۋدەنتتەرى ءۇشىن 7 800 ورىندىق 17 جاتاقحانا، ال كوللەدج ستۋدەنتتەرىنە 3530 ورىندىق 11 جاتاقحاناعا قاجەتتىلىك بار. بۇگىنگى كۇنى 9 كوللەدجگە جاتاقحانا قۇرىلىسىنا سالۋ ءۇشىن جەر 5 گەكتار جەر ءبولىنىپ وتىر. بۇل جوبا مەملەكەتتىك-جەكەشەلىك ارىپتەستىك اياسىندا جۇزەگە اساتىن بولادى. باسپانالى بولۋ باستى ارمانى بولعاندارعا دا مۇمكىندىكتەر قاراستىرىلعان.

وبلىستىق ەكونوميكا جانە بيۋدجەتتىك جوسپارلاۋ باسقارماسى وكىلدەرىنىڭ ايتۋىنشا، بيىل جەكە قۇرىلىسشىلارمەن 104 كوپقاباتتى تۇرعىن ءۇي سالىنىپ جاتىر. جىل سوڭىندا جالپى الاڭى 121 مىڭ شارشى مەتردى قۇرايتىن 1454 پاتەرلى 3 تۇرعىن ءۇي پايدالانۋعا بەرىلەدى. ولاردىڭ بارىعى دا «7-20-25» باعدارلاماسى بويىنشا بەرىلەتىن بولادى. بۇگىنگى كۇنگە 6 كوپقاباتتى تۇرعىن ءۇيدىڭ قۇرىلىسى اياقتالىپ، پايدالانۋعا بەرىلۋگە دايىن. اعىمداعى جىلى 780 مىڭ شارشى مەتردى قۇرايتىن تۇرعىن ءۇيدى پايدالانۋعا بەرۋدى جوسپارلاپ وتىر ەكەن.

ايتا كەتەيىك، ستۋدەنتتەردى تولىقتاي جاتاقحانامەن قامتۋ ءۇشىن قۇرىلىس جۇمىستارىنا مەملەكەت 118 ميلليارد تەڭگە قاراجات بولىنگەن. ال اتالعان سومما 10 جىل ىشىندە كەزەڭ-كەزەڭىمەن جۇمسالاتىن بولادى.
ۋاقىتشا باسپانانىڭ  العاشقى قۇرىلىسى الماتىدا باستالماق. سەبەبى، مۇندا باسقا وڭىرلەرگە قاراعاندا جاتاقحانا تاپشىلىعى وتە وتكىر. ماسەلەن، مۇنداعى اسفەندياروۆ اتىنداعى مەديتسينالىق ۋنيۆەرسيتەتتە 9 مىڭ ستۋدەنت بار. 7 جاتاقحاناسى بار بولعانىمەن، وعان تەك 2 مىڭ ستۋدەنت سيادى. ءبىلىم ورداسى بىلتىر ماسەلەنى شەشۋ ءۇشىن ءوز بيۋدجەتىنەن 512 ورىندى جاتاقحانا قۇرىلىسىن باستاعان. بيىل دايىن بولادى. بىراق ءالى 6 مىڭداي ستۋدەنتى پاتەر جاعالايىن دەپ تۇر.
ال، نەگىزىنەن ستۋدەنتتىك باسپانانىڭ قۇرىلىسى بارلىق قالادا جۇرەتىن بولادى.

رەسمي مالىمەتكە سۇيەنسەك، ستۋدەنتتەر ءۇيىن سالۋ جوعارعى وقۋ ورنى مەن جەكە كومپانيالارعا جۇكتەلەدى. ال، بولىنگەن قاراجات «قارجى ورتالىعى» اق ارقىلى بەرىلەدى. سونداي-اق، جاتاقحانا قۇرىلىسىن سۋبسيديالاۋ ءۇشىن باستامانى "بيزنەستىڭ جول كارتاسى - 2020" باعدارلاماسىنا ەنگىزۋ دە قارالعان.

Abai.kz